Tenglar

f÷studagur 26. febr˙ará2010 |

Ůr÷skuldalei­ ver­ur sko­u­ Ý ljˇsi snjˇalaga

Frß vÝgslu vegarins um Ůr÷skulda.
Frß vÝgslu vegarins um Ůr÷skulda.
„Hvað hefur klikkað? Mér er tjáð að þegar þessar vegabætur voru á teikniborðinu hafi eldri menn varað við miklum snjóalögum akkúrat á þessum stöðum“, segir Kristín Hálfdánsdóttir, rekstrarstjóri Landflutninga-Samskipa á Ísafirði. Hún segir að þegar eitthvað sé að veðri og færð geti Vestfirðingar ekki nýtt sér nýju leiðirnar sem teknar voru í gagnið á síðasta ári, hvorki veginn yfir hálsinn við Skálavík í Mjóafirði í Djúpi né veginn um Arnkötludal og Gautsdal (veginn um Þröskulda) milli Stranda og Reykhólahrepps. „Bílar þurfa nú, þó ekki snjói meira, að keyra gömlu leiðina fyrir nesið og út í Reykjanes og síðan gömlu leiðina um Strandir. Arnkötludalurinn hefur ekki verið opnaður síðan á þriðjudag. Núna eru bæði flutningabílar og póstbíllinn fastir í Bitrufirði á Ströndum“, sagði Kristín í morgun.

 

Guðmundur Rafn Kristjánsson, deildarstjóri nýframkvæmda hjá Vegagerðinni á Ísafirði, bendir á að vegurinn um Þröskulda sé ekki fullfrágenginn. Ekki sé alls staðar búið að ganga frá köntum og auðvitað hafi það áhrif í þessum efnum. Einnig séu á einum stað skammt frá veginum haugar af klæðningarefni sem notað verður í sumar og þegar þeir séu farnir hverfi einn skaflinn. Guðmundur Rafn bendir á að reynslan af þessari leið í snjóum sé nánast engin orðin ennþá.

 

„Þetta er í rauninni fyrsti snjórinn sem heitið getur og við ætluðum bara að skoða leiðina þegar væri kominn snjór og sjá aðstæðurnar. Spurningin er hvort einhvers staðar þurfi til dæmis að setja upp snjógirðingar eða gera eitthvað annað sem í rauninni er ekki hægt að sjá almennilega fyrr en snjórinn er kominn“, segir Guðmundur Rafn. Hann segir aðspurður að engin áform séu um að leggja veginn í rör þar sem verst sé, eins og einhverjir munu hafa stungið upp á.

 

Varðandi hálsinn við Skálavík í Djúpi segir Guðmundur Rafn, að líklega væru flutningabílstjórar og aðrir ekki ánægðir með að þurfa að fara gamla veginn alla leiðina inn fyrir Mjóafjörð allt árið eins og var þangað til núna. Vetrarleiðin fyrir nesið sé litlu lengri en nýi vegurinn yfir hálsinn.

 

Skrifa­u athugasemd:


Atbur­adagatal

« AprÝl 2021 »
S M Ů M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30