Tenglar

f÷studagur 27. j˙nÝá2008 | Hlynur ١r Magn˙sson

ŮrÝrifa­ Ý ■rÝstřft og ■rettßn rifur ofan Ý hvatt

Heimalningar Sau­fjßrseturs ■iggja sopann.
Heimalningar Sau­fjßrseturs ■iggja sopann.
1 af 2

Núna á sunnudaginn kl. 13 verður opnuð sýning í Sauðfjársetri á Ströndum á verkinu Þrírifað í þrístýft og þrettán rifur ofan í hvatt, sem unnið er af nemendum Reykhólaskóla í samvinnu við kennarana Kolfinnu og Rebekku. Verkið gerir skil eyrnamörkum og markaheitum og bæjamörkum í Reykhólahreppi. Áður en Furðuleikar á Ströndum hefjast á sunnudag verður nemendum Reykhólaskóla þakkað fyrir verkið, sem verður til sýnis þar í sumar. Íbúar Reykhólahrepps (og aðrir) eru hvattir til að líta inn og koma tímanlega.

 

Sauðfjársetur á Ströndum er skemmtilegt safn í félagsheimilinu Sævangi við Steingrímsfjörð, rétt sunnan við Hólmavík. Safnið er helgað sauðfjárbúskap fyrr og nú frá ýmsum hliðum. Það er opið alla daga í sumar kl. 10-18.

 

Gestir Sauðfjársetursins hafa nóg við að vera. Í Sævangi er notaleg kaffistofa með þjóðlegum veitingum, glæsileg handverksbúð með handverki heimamanna, vísindahorn fyrir fræðimennina í fjölskyldunni og barnahorn með leikföngum og föndri fyrir yngstu kynslóðina. Ekki má gleyma heimalningunum sem taka ætíð vel á móti gestum. Þeir sem hafa mjólkurpela meðferðis njóta reyndar sérstakrar hylli.

 

Að venju er mikið um að vera á Sauðfjársetrinu í sumar, en það hefur getið sér gott orð á landsvísu undanfarin ár fyrir ýmsa menningarviðburði - suma af óvenjulegra taginu. Helsta dæmið um það eru Furðuleikar á Ströndum, sem haldnir verða núna á sunnudaginn, eins og áður kom fram, sömu helgina og Hamingjudagar eru á Hólmavík.

 

Á Furðuleikunum finna allir eitthvað við sitt hæfi. Þar er keppt í ýmsum furðugreinum eins og sviðalappahlaupi, belgjahoppi, girðingarstaurakasti, kvennahlaupi, öskri og hrafnasparki, svo fáeinar greinar séu nefndar. Leikarnir ná yfirleitt hámarki með skítkastinu þar sem gestir skemmta sér við að kasta blautum kindaskít í lifandi skotmark af tegundinni homo sapiens. Misjafnt er þó hversu vel menn hitta og oft loðir skíturinn mest við þá sem kasta honum. Furðuleikarnir verða haldnir sunnudaginn 29. júní í ár, sömu helgi og Hamingjudagar á Hólmavík.

 

Nánari upplýsingar um Sauðfjársetrið, skemmtidagskrá og starfsemi, má nálgast á vefsetri þess.
 

Skrifa­u athugasemd:


Atbur­adagatal

« Nˇvember 2017 »
S M Ů M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30