Tenglar

■ri­judagur 20. jan˙ará2009 |

Ůarabandi­ ß lÝti­ skylt vi­ brei­firskan ■ara

Harasystur eru glŠsilegar ß fyrsta pl÷tuumslagi sÝnu - ...bara.
Harasystur eru glŠsilegar ß fyrsta pl÷tuumslagi sÝnu - ...bara.

Í auglýsingu um þorrablótið í Reykhólahreppi á laugardagskvöldið segir að Hara og Þarabandið sjái um fjörið. Ætla mætti að hljómsveit sem kennd er við þara og spilar á Reykhólum eigi heimkynni við Breiðafjörð og jafnvel í sjálfri Þörungaverksmiðjunni. Svo er þó ekki, því að Hara og Þarabandið koma frá Hveragerði og Hvolsvelli, eins og nánar segir frá hér fyrir neðan, en lítið er um þarasprettu á því svæði að öðru leyti.

 

Eins og fram kemur í auglýsingunni - sjá nánar hér - þá hækkar miðaverðið á þorrablótið eftir fimmtudaginn. Þorrablótsnefndin minnir á forsölu aðgöngumiða sem verður í íþróttahúsinu á Reykhólum á föstudag kl. 14-18. Allir sem eru búnir að panta eru hvattir til þess að koma og sækja pantanir sínar á þessum tíma til þess að minnka örtröð við innganginn á laugardagskvöldið. Hinir sem ekki eru búnir að panta eru hvattir til að gera það sem allra fyrst áður en uppselt verður og sækja síðan miðana á þeim tíma sem nefndur var.

 

Hara eða Harasystur eru þær Rakel og Hildur Magnúsdætur frá Hveragerði, sem slógu í gegn í þættinum X-factor á Stöð tvö á sínum tíma, en bróðir þeirra er Stefán Magnússon íþróttakennari á Reykhólum. Þær sungu einmitt við brúðkaup bróður síns og Hrefnu Hugósdóttur í Reykhólakirkju á liðnu sumri ásamt Regínu systur sinni.

 

Þarabandið skipa þrír strákar frá Hvolsvelli, þeir Sigurður Einar Guðjónsson (Einsi) sem leikur á bassa, en hann er eiginmaður Rakelar, Árni Guðjónsson bróðir hans, sem leikur á gítar, og Óskar Þormarsson, sem leikur á trommur. Þess má geta, að Einsi og Árni voru að syngja í bakröddunum hjá Ingó í Evróvisjón um helgina og komust áfram. „Þessir strákar eru allir þrælvanir spilarar og búnir að vera í þessu í mörg ár", segir Stefán Magnússon.

 

Varðandi Þarabandið viðurkennir Stefán að þetta einkennilega nafn sé frá honum komið og eigi rætur að rekja til kvikindisskapar hans. „Rakel systir mín er með tattú á herðablaðinu, sem á víst að vera voða flott tribal-tattú svokallað, en er alveg eins og þari. Ég er búinn að stríða henni á þessu í mörg ár."

 

Maturinn á þorrablóti Reykhólahrepps verður ekki af verri endanum - hann verður að hætti Árna í Bjarkalundi.

 

Skrifa­u athugasemd:


Atbur­adagatal

« Oktˇber 2021 »
S M Ů M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31