Tenglar

■ri­judagur 16. marsá2010 |

Taka undir ßhyggjur af t÷fum ß vegabˇtum

Hreppsnefnd Tálknafjarðarhrepps tekur heils hugar undir yfirlýsingu bæjarráðs Vesturbyggðar frá 1. mars þar sem þungum áhyggjum er lýst yfir þeim töfum sem orðið hafa við uppbyggingu Vestfjarðavegar í vestanverðum Reykhólahreppi. Hreppsnefndin tekur einnig undir bókun bæjarstjórnar Ísafjarðarbæjar þar sem m.a. segir að samgönguyfirvöld verði að setja „þessa bráðnauðsynlegu framkvæmd í tafarlausan forgang til að koma sunnanverðum Vestfjörðum í mannsæmandi vegasamband hið fyrsta.“

 

Þá styður hreppsnefnd Tálknafjarðar eindregið þá áður samþykktu stefnu að endurbyggja veginn samkvæmt B-leið á svæðinu frá Þorskafirði vestur fyrir Skálanes. Þetta var tekið fyrir á fundi hreppsnefndar 10. mars og var oddvita falið að óska eftir fundi með samgönguyfirvöldum vegna málsins.

Eins og fyrr segir lýsti bæjarstjórn Vesturbyggðar þungum áhyggjum yfir þeim töfum sem orðið hafa á endurnýjun vegarins, en um er að ræða vegarkaflana frá Þorskafirði að Skálanesi og frá Eiði við Vattarfjörð að Þverá í Kjálkafirði.

Bæjarstjórn Ísafjarðarbæjar hefur einnig lýst yfir eindregnum stuðningi við bæjarstjórn Vesturbyggðar og önnur sveitarfélög á sunnanverðum Vestfjörðum í baráttunni fyrir endurnýjun Vestfjarðavegar.
  

Skrifa­u athugasemd:


Atbur­adagatal

« AprÝl 2021 »
S M Ů M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30