Tenglar

mi­vikudagur 26. nˇvemberá2008 |

äStjˇrnv÷ld hafa margsviki­ landsbygg­inaô

Jˇn ß Kirkjubˇli.
Jˇn ß Kirkjubˇli.
1 af 2

Eins og fram kemur í fréttinni hér á undan hefur verið ákveðið að fresta samningi vegna háhraðatenginga í dreifbýli og þá jafnframt framkvæmdum við verkefnið. Í frétt á vefnum bb.is á Ísafirði, sem ber yfirskriftina Stjórnvöld hafa margsvikið landsbyggðina, segir að menningarfulltrúi Vestfjarða, Jón Jónsson á Kirkjubóli við Steingrímsfjörð, sé ósáttur við þessa frestun á „mikilvægustu aðgerð í byggðamálum síðustu ára sem landsbyggðin hafi verið margsvikin um".

 

Kristján Möller samgönguráðherra segir lengingu gildistíma útboðanna vera sameiginlega ákvörðun samgönguráðuneytisins og Símans, sem átti lægsta tilboðið. Ráðherra segir verkefnið ekki í hættu en framkvæmdatíminn sé þó óljós. Þegar tilboð voru opnuð í byrjun september sagði ráðherrann að framkvæmdir myndu taka eitt ár.

 

„Þannig er ljóst að ákveðið hefur verið að svíkja fyrri yfirlýsingar yfirvalda fjarskiptamála, sem fullyrtu í sumar og haust að verkefninu lyki haustið 2009", segir Jón á Kirkjubóli á fréttavefnum strandir.is undir fyrirsögninni Yfirlýsingar um háhraðatengingar sviknar. „Áður hafa orðið ítrekaðar tafir í mörg ár á þessu mikilvæga réttlætismáli landsbyggðarinnar með tilheyrandi neikvæðum afleiðingum fyrir byggðaþróun og atvinnulíf á jaðarsvæðum. Kristján Möller samgönguráðherra sagði á Alþingi í mars síðastliðnum að unnið væri að verkefninu á háhraða, og á Fjórðungsþingi Vestfirðinga í september, daginn eftir að tilboð voru opnuð, fullyrti ráðherrann að verkefnið væri í höfn og framkvæmdatíminn yrði ár."

 

Skrifa­u athugasemd:


Atbur­adagatal

« Nˇvember 2020 »
S M Ů M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30