Tenglar

■ri­judagur 19. jan˙ará2010 |

Stefnt a­ breyttri skipan sveitarfÚlaga ßri­ 2014

„Þetta var góður og gagnlegur fundur“, segir Flosi Eiríksson, formaður samstarfsnefndar sem fjallar um sameiningarkosti sveitarfélaga, um opinn fund um eflingu sveitarstjórnarstigsins sem haldinn var á Ísafirði fyrir helgina í samvinnu Fjórðungssambands Vestfirðinga, Sambands íslenskra sveitarfélaga og samgöngu- og sveitarstjórnarráðuneytisins. Fundurinn var einnig haldinn gegnum fjarfundabúnað á Patreksfirði og Reykhólum.
 
„Mér fannst koma fram mjög mikið af sjónarmiðum og vangaveltum sveitarstjórnarmanna og annarra áhugamanna, bæði þeirra sem á fundinum voru og þeirra sem sóttu fjarfund á suðursvæði Vestfjarða. Ég get sagt fyrir hönd nefndarinnar að við fengum ágætis efni til að nýta við okkar vinnu. Við munum halda áfram að vinna með heimamönnum að tillögum um sameiningarkosti sveitarfélaga í hverjum landshluta sem við munum leggja fyrir landsþing Sambands íslenskra sveitarfélaga í haust“, segir Flosi.

 

Að lokinni umfjöllun um tillögur nefndarinnar á landsþingi Sambands íslenskra sveitarfélaga í september mun samgöngu- og sveitarstjórnarráðherra leggja fyrir Alþingi áætlun um sameiningar sveitarfélaga til ársins 2014, sem byggist á umræðum og áliti landsþingsins. „Ef þetta gengur eftir myndi hin breytta sveitarstjórnarskipan svo taka gildi 2014“, segir Flosi Eiríksson.

 

Sameiningarnefnd ráðherra og Sambands íslenskra sveitarfélaga mun leggja áherslu á að sameining sveitarfélaga geti skapað betri forsendur fyrir frekari verkefnaflutningi frá ríki til sveitarfélaga og fyrir frekari breytingum á tekjuskiptingu ríkis og sveitarfélaga. Jafnframt geti hún gert sveitarfélögum betur kleift að standa undir þeim kröfum sem gerðar eru til þeirra, svo sem varðandi íbúaþjónustu, stjórnsýslu, fjármál og ábyrgð. Nefndin ferðast nú um allt land til að hitta sveitarstjórnarmenn og kynna vinnu sína.

 

Þetta kemur fram á fréttavefnum bb.is á Ísafirði.

 

Sjá einnig:

Opinn fjarfundur um eflingu sveitarstjórnarstigsins

 

Skrifa­u athugasemd:


Atbur­adagatal

« Oktˇber 2021 »
S M Ů M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31