Tenglar

f÷studagur 6. marsá2015 | Hlynur ١r Magn˙sson

S÷gustund me­ Sveini Ragnarssyni

Bjarkalundur rÚtt um 1950. Myndin er Ý eigu Unnsteins H. Ëlafssonar ß Grund.
Bjarkalundur rÚtt um 1950. Myndin er Ý eigu Unnsteins H. Ëlafssonar ß Grund.
1 af 3

Núna á sunnudag (8.3.) verður sögustund á Byggðasafni Dalamanna á Laugum í Sælingsdal eins og verið hefur marga sunnudaga í vetur. Að þessu sinni segir Sveinn Ragnarsson á Svarfhóli í Geiradal frá mannlífi og sögu í Austur-Barðastrandarsýslu. Þessar sögustundir hafa verið í umsjá Valdísar Einarsdóttur safnvarðar, þar sem bæði hún og gestir hafa sagt frá áhugaverðum hlutum sem tengjast Dalahéraði fyrr og nú.

 

Áður voru fimm hreppar í Austur-Barðastrandarsýslu en árið 1987 voru þeir sameinaðir í einn, Reykhólahrepp hinn nýja. Sýslan (núverandi Reykhólahreppur) spannar svæðið milli Brekkuár í botni Gilsfjarðar og Skiptár í Kjálkafirði austanverðum, auk mikils hluta Breiðafjarðareyja. Hún telst vera 1.090 ferkílómetrar og íbúafjöldinn 270 manns.

 

Gömlu hrepparnir fimm í sýslunni voru Geiradalshreppur, Reykhólahreppur, Gufudalshreppur, Múlahreppur og Flateyjarhreppur. Á 19. öld og fram yfir aldamótin 1900 voru búsettar í Flateyjarhreppi vel á fimmta hundrað manneskjur en síðan fækkaði jafnt og þétt (hér má sjá athyglisverð súlurit og fólksfjöldaskrá). Þegar hrepparnir fimm í Austur-Barðastrandarsýslu voru sameinaðir í einn voru íbúarnir allnokkru færri en voru í Flateyjarhreppi einum á sínum tíma.

 

Allir eru velkomnir á sögustundina með Sveini, sem hefst kl. 15. Aðgangseyrir er 500 krónur fyrir fullorðna.

 

Þeir sem vilja nota tækifærið og bregða sér í sund á Laugum hafi samband við Gunnar Má með góðum fyrirvara í netfanginu gunnarmar@umfi.is eða síma 777 0295 eða 434 1465.

 

Skrifa­u athugasemd:


Atbur­adagatal

« ┴g˙st 2017 »
S M Ů M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31