Horft úr skógræktinni á Barmahlíð yfir Berufjörð. Mynd: Viktoría Rán.

Framhaldsaðalfundur verður haldinn í Skógræktarfélaginu Björk í Reykhólahreppi einhvern tímann með vorinu. Boðað var til aðalfundar sl. mánudagskvöld og þótti fundarsóknin ekki nægilega góð, að sögn Guðlaugs Theodórssonar formanns Bjarkar. Fimm nýir félagar skráðu sig þó inn.

Sennilegt þykir að árstími og tíðarfar valdi því að félagsmenn hafi hugann lítt við gróðursetningu og grisjun um þessar mundir. Það breytist hins vegar með betri tíð og blómum í haga.