Tenglar

f÷studagur 30. j˙lÝá2010 |

SÚra MatthÝasar minnst me­ mßl■ingi

MatthÝas Jochumsson. Ljˇsmynd Sigf˙s Eymundsson.
MatthÝas Jochumsson. Ljˇsmynd Sigf˙s Eymundsson.
Þjóðskáldið séra Matthías Jochumsson er eflaust þekktasti sonur Reykhólasveitar. Síðar á þessu ári eru liðin 175 ár frá fæðingu hans í Skógum við Þorskafjörð. Á morgun, laugardaginn 31. júlí, verður af þessu tilefni haldið málþing að Nýp á Skarðsströnd. Þar munu Kristján Árnason, þýðandi og bókmenntafræðingur, og Þórunn Erlu-Valdimarsdóttir, rithöfundur, fjalla um skáldið og verk hans. Kristján flytur erindi um þýðingar og skáldskap séra Matthíasar en Þórunn fjallar um æviferil skáldsins og bernsku í Skógum. Fyrir nokkrum árum ritaði Þórunn ævisögu séra Matthíasar, eins og kunnugt er. Að loknum erindum verða almennar umræður. Málþingið hefst kl. 15 og ráðgert er að það standi í tvo tíma.

 

Matthías Jochumsson fæddist í Skógum 11. nóvember 1835. Hann var mikilvirkur sem skáld og þýðandi og um árabil eigandi og ritstjóri Þjóðólfs, öflugasta fréttablaðs landsins. Hann er höfundur þjóðsöngs Íslendinga sem Sveinbjörn Sveinbjörnsson tónskáld gerði lagið við. Á efri árum ritaði séra Matthías endurminningar sínar undir heitinu Sögukaflar af sjálfum mér.

 

Síðari hluta ævinnar var Matthías búsettur á Akureyri. Í tilefni 85 ára afmælis hans 11. nóvember 1920 voru þar mikil hátíðahöld. Að þeim loknum lagðist hann veikur og andaðist viku síðar, þann 18. nóvember.

 

Skrifa­u athugasemd:


Atbur­adagatal

« Nˇvember 2020 »
S M Ů M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30