Þeir sem hyggjast hlaða bálkesti til að kveikja í þeim á gamlárskvöld eða á þrettándanum eða ætla að sækja um leyfi til sölu flugelda og til flugeldasýninga yfir hátíðarnar skulu sækja um slík leyfi fyrir 7. desember. Vegna umsóknar um brennu, flugeldasýningar eða sölu flugelda skal tilgreina ábyrgðarmann og leggja fram ábyrgðartryggingu. Með öllum umsóknum þarf að fylgja leyfi lóðareiganda eða húseiganda eftir atvikum.

 

Hægt er að fá umsóknareyðublöð og reglur um bálkesti og brennur, flugeldasýningar og sölu á flugeldum á skrifstofum sýslumanna og á vefsíðu lögreglunnar á Vestfjörðum.

 

Leyfisgjöld eru þessi (óbreytt frá síðasta ári):

- Brennuleyfi kr. 5.500.

- Skoteldasýning kr. 5.500.

- Sala skotelda kr. 3.300.

 

Greiða skal um leið og umsókn er skilað. Unnt er að leggja inn á reikning 556-26-71, kt. 490169-6799, eða greiða á skrifstofum sýslumanna.

 

Nánari upplýsingar veitir Harpa Oddbjörnsdóttir í síma 450 3700.