Tenglar

mi­vikudagur 20. febr˙ará2013 | vefstjori@reykholar.is

Reykhˇlahreppur Ý efsta flokki hva­ fjßrhag var­ar

Íslandsbanki hefur gefið út samantekt um fjárhag sveitarfélaga miðað við árið 2011. Byggt er á sömu reikniforsendum og Eftirlitsnefnd með fjármálum sveitarfélaga notar. Eftir niðurstöðunum er sveitarfélögum skipt í fjóra flokka. Reykhólahreppur lendir þar í efsta flokki, en skilgreining hans er „Lítil skuldsetning og rekstur stendur vel undir núverandi skuldsetningu“.

 

Þrjú fjölmennustu sveitarfélögin á Vestfjörðum (Ísafjarðarbær, Bolungarvíkurkaupstaður og Vesturbyggð) lenda í neðsta flokki, en skilgreining hans er „Mikil skuldsetning og rekstur stendur ekki undir skuldsetningu að öllu jöfnu“. Önnur sveitarfélög á Vestfjörðum lenda eins og Reykhólahreppur í efsta flokki.

 

Sveitarfélög á landinu voru 75 talsins árið 2011 en vegna sameininga hefur þeim fækkað í 73. Í skýrslu Íslandsbanka segir á einum stað:

 

Hugsanlega eru 30-40 sveitarfélög hæfilegur fjöldi á Íslandi miðað við íbúafjölda og stærð en ekki verður tekin afstaða til þess í þessu riti. Hins vegar er mikilvægt að sameiningarþróunin haldi áfram þannig að eftir standi færri og sterkari, vel rekin sveitarfélög út um allt land.

 

Í ljósi þessara ummæla vekur athygli, að mörg fjölmennustu sveitarfélög landsins lenda ekki í efsta flokki, þó að í honum séu fleiri sveitarfélög en í neðri flokkunum þremur samanlagt. Meðal þeirra sveitarfélaga sem komast ekki í efsta flokk eru Reykjavíkurborg, Kópavogsbær, Hafnarfjarðarkaupstaður, Reykjanesbær, Sveitarfélagið Árborg, Vestmannaeyjabær, Borgarbyggð, Sveitarfélagið Skagafjörður, Fljótsdalshérað og Fjarðabyggð.

 

Samantekt Íslandsbanka um fjárhag sveitarfélaga (pdf)

 

Skrifa­u athugasemd:


Atbur­adagatal

« September 2017 »
S M Ů M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30