Tenglar

mßnudagur 2. j˙lÝá2018 | Sveinn Ragnarsson

Plastpokalausi dagurinn 3. j˙lÝ

Plastpokalausi dagurinn 3. j˙lÝ
Plastpokalausi dagurinn 3. j˙lÝ

 

Á Plastpokalausa deginum 3. júlí  munu Farfuglaheimilin á Íslandi taka höndum saman til að vekja athygli gesta á mengun af völdum plasts. Þann dag munu gestir sem gista á Farfuglaheimilunum í landinu fá gefins fjölnota poka úr lífrænni bómull. Með þessum eru gestir hvattir til að afþakka plastpoka á ferðalaginu og vera ábyrgir ferðamenn.  Þrjátíu Farfuglaheimili, víðsvegar á Íslandi, taka þátt í viðburðinum.

Plast er til margra hluta nytsamlegt en því miður erum við farin að treysta um of á einnota plast í daglegu lífi – með alvarlegum afleiðingum fyrir umhverfið.  Á hverju ári eru um 5 milljarðar plastpoka notaðir. Um helmingur þeirra er aðeins notaður í eitt skipti og endar í landfyllingum eða sem mengun á landi og sjó.

  • ·         Ein milljón plastpoka er í notkun í heiminum á hverri mínútu
  • ·         Meðal Evrópubúi notar um 500 plastpoka á ári hverju
  • ·         3.4 tonn af plasti eru framleidd í löndum Evrópusambandsins ár hvert
  • ·         Plastpokar eru framleiddir úr hráolíu sem er óendurnýjanleg auðlind

Tökum höndum saman og drögum úr notkun plastpoka

#hiiceland #farfuglar #beatplasticpollution

 

Nánari upplýsingar;

Helena W. Óladóttir, Gæða- og umhverfisstjóri, Netfang: helena@hostel.is

https://www.hostel.is/

Farfuglaheimilin

Farfuglar eru hluti af alþjóðasamtökum Hostelling International, einni stærstu gistihúsakeðju í heimi og eru Farfuglaheimilin staðsett  í yfir 80 löndum í öllum heimsálfum. Hlutverk þeirra er að stuðla að ferðalögum sem auka þekkingu fólks á umhverfinu, umhyggju fyrir náttúrunni og virðingu fyrir menningarlegu gildi borga og bæja í öllum heimshlutum.  Það eru 33 Farfuglaheimili á Íslandi. Farfuglar hafa til margra ára verið í fararbroddi umhverfisvænnar ferðaþjónustu hér á landi og með markvissu umhverfis- og gæðastarfi er komið til móts við kröfur og væntingar gestanna.

 

Skrifa­u athugasemd:


Atbur­adagatal

« J˙lÝ 2018 »
S M Ů M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31