Tenglar

mi­vikudagur 7. jan˙ará2009 | Hlynur ١r Magn˙sson

Ëvissa um framtÝ­ Vaxtarsamnings Vestfjar­a

Neil Shiran ١risson, frkvstj. Vaxtarsamnings Vestfjar­a.
Neil Shiran ١risson, frkvstj. Vaxtarsamnings Vestfjar­a.

Vaxtarsamningur Vestfjarða er nú á tímamótum og í samningaviðræðum um endurnýjun. Óvissa ríkir um framtíð samningsins eins og víðast hvar annars staðar miðað við núverandi efnahagsástand, segir í tilkynningu frá Neil Shiran Þórissyni framkvæmdastjóra. Vonir standa þó til þess að hægt verði að endurnýja samninginn til eins árs og framlengja hann síðan til lengri tíma í lok þessa árs. Viðræður eru hafnar við iðnaðarráðuneytið og er áætlað að hægt verði að kynna niðurstöður þeirra í næsta mánuði.

 

Á síðustu þremur árum hefur Vaxtarsamningur Vestfjarða styrkt um 50 verkefni beint. Þau hafa verið á sviði sjávarútvegs, matvælaframleiðslu, ferðaþjónustu, menningar, menntunar, nýsköpunar og rannsókna.

 

Til viðbótar við beina styrki í ákveðin verkefni hefur Vaxtarsamningur Vestfjarða unnið markvisst að rannsóknum og greiningum á þróunar- og nýsköpunarverkefnum í samstarfi við fagaðila. Sumar rannsóknir hafa leitt af sér niðurstöður og viðskiptatækifæri sem verið er að skoða frekar og gert verður grein fyrir á komandi mánuðum, segir í tilkynningunni. Þessa vinnu hefur Atvinnuþróunarfélag Vestfjarða lagt fram sem framkvæmdaraðili samningsins.

 

Hér fer á eftir skrá yfir þau verkefn sem Vaxtarsamningur Vestfjarða hefur styrkt frá upphafi og fram að þessu.

 

Verkefni 2006

  • Þjóðtrúarstofa.
  • Sjávarútvegsklasi.
  • Úttekt á samstarfsmöguleikum á Austur-Grænlandi.
  • Námskeið í sýningagerð.
  • Vöruþróunarátak og námskeið 2006.
  • Þróun á þátttökutengdri ferðamennsku - sjóstangaveiði.
  • Sýning í Perlunni.

Verkefni 2007

  • Uppbygging þekkingar- og þróunarsetra.
  • Þróun á vörumerki fyrir afurðir svæðisins.
  • Kræklingarækt.
  • Þróun á þátttökutengdri ferðamennsku - sjóstangveiði.
  • Háskóli Unga fólksins.
  • Dreifnám.
  • Þróun og samstarf aðila varðandi fuglaskoðun og ferðaþjónustu tengda henni.
  • Þróun minjagripa og handverk.
  • Netmarkaðssetning - námskeið.
  • Meistaranám - úttekt.
  • Fiskvinnsluskóli -úttekt.
  • Efling fjarkennslu.
  • Staðbundinn ferðaþjónustuklasi á Ströndum.
  • Skíða- og vetrarferðamennska - úttekt og greining.
  • Samstarfsverkefni ferðaþjóna á Flateyri.
  • Samstarfsverkefni ferðaþjóna á Suðurfjörðum og Vesturlandi.
  • Úttekt á möguleikum á loftslagsrannsóknamiðstöð.
  • Myndun á virku tengslaneti athafnakvenna.

Verkefni 2008

  • Greining raforkuinnkaupa sjávarútvegsklasa.
  • Fóður og fjör - átak veitingastaða á landsbyggðinni.
  • Útgáfa safnabæklings.
  • Markaðsrannsóknir fyrir ferðaþjónustu.
  • Ímyndarverkefni fyrir norðanverða Vestfirði.
  • Matarþing á Ísafirði - matartengd ferðaþjónusta.
  • Matarþing á Patreksfirði - matartengd ferðaþjónusta.
  • Fuglaskoðun - frekari þróun á ferðum fyrir erlenda ferðamenn.
  • Uppbygging vörumerkis fyrir sjávarafurðir.
  • Ren Ren - evrópskt samstarfsverkefni varðandi orkuframleiðslu jaðarsvæða.
  • Þróun á afþreyingu fyrir ferðamenn.
  • Frumkvöðlasetur - stuðningur við nýsköpun.
  • Nýsköpunarkeppni Vestfjarða.
  • Sjávartengd ferðaþjónusta - forverkefni þar sem sótt verður um Evrópustyrki.
  • Uppbygging þróunar- og þekkingarsetra.
  • Stuðningur við myndun samstarfsnets á sviði þorskeldis.
  • Open Days - tengslanet og evrópsk samstarfsverkefni.
  • Samstarfsverkefni um þróun á nýrri afurð úr kalkþörungi.
  • Haggreiningar og haglýsingar fyrir Vestfirði - atvinnulífsgreiningar.
  • Skýrsla verkfræðinema um þróunartækifæri -sjávarútvegur, ferðaþjónusta og háskóli.
  • Greining nýsköpunartækifæra á sviði sjávarútvegs.
  • Lesfærni og íslenskunám aukið fyrir erlenda íbúa.
  • Úttekt á möguleikum umskipunarhafna á Íslandi og Vestfjörðum.

Í ofangreind verkefni, sem eru um fimmtíu talsins, hefur verið veitt fjármunum að upphæð rúmlega 50 milljónir króna og er því meðaltalsstyrkur til verkefnis um ein milljón. Sjávarútvegs- og matvælatengd verkefni hafa fengið styrki upp á um 10 milljónir, ferðaþjónustu- og menningartengd verkefni hafa fengið styrki upp á um 20 milljónir, mennta- og rannsóknatengd verkefni hafa fengið um 10 milljónir og önnur nýsköpunar- og þróunarverkefni um 10 milljónir.

 

> Vaxtarsamningur Vestfjarða

> Atvinnuþróunarfélag Vestfjarða

 

Skrifa­u athugasemd:


Atbur­adagatal

« Nˇvember 2017 »
S M Ů M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30