Tenglar

fimmtudagur 26. ßg˙stá2010 |

Ëskar eftir ˇnřtum heyr˙llum til uppgrŠ­slu

1 af 2
Böðvar Jónsson hefur stundað og stundar enn landgræðslu í Skógum við Þorskafjörð, fæðingarstað séra Matthíasar Jochumssonar. Til þessa verks hefur hann með góðum árangri notað gamlar og úr sér gengnar heyrúllur. Núna hafði hann samband og óskar eftir meira af slíku, ef kostur er. Jafnframt sendi hann meðfylgjandi myndir sem skýrast af textanum hér fyrir neðan. Smellið á þær til að stækka. Böðvar segir frá framkvæmdinni og skrifar á þessa leið:

 

Kæru sveitungar! Fyrir einu og hálfu ári fengum við í Skógum nokkrar heyrúllur sem við ætluðum að nýta til uppgræðslu. Rúllurnar fengum við frá Jónasi Samúelssyni en Gústaf Jökull var svo vinsamlegur að flytja þær fyrir okkur upp á skógræktarsvæðið sunnan gamla bæjarstæðisins. Þurru rúllunum var strax dreift í þykku lagi út yfir þurran mel. Nú tveim sumrum síðar sést umtalsverður árangur af þessu. Gróður af ýmsu tagi er orðinn nokkuð þéttur með brún heyþekjunnar auk þess sem gróður er farinn að stinga sér á víð og dreif upp úr henni. Það vakti athygli í þurrkatíðinni í sumar að allan tímann seig raki út undan heyþekjunni yfir í þurran melinn umhverfis.

 

Það var fyrst í sumar sem atlaga var gerð með heykvísl að blautu og morknu rúllunum. Ákveðið var að gera tilraun með að stöðva skrið og úrrennsli fram af klettabrún með því sem úr þeim kom. Pakkað var þykku lagi af blautu og morknu heyi ofan á skriðuna, aðgerð sem stöðvaði skriðið. Rýgresisfræi var dreift bæði undir og yfir heyrúlluefnið með það að markmiði að reyna að hengja það saman og gefa því þannig aukinn styrk í von um að það dygði til að framkvæmdin stæðist leysingar í vor. Einnig voru gamlar og þurrar þökur lagðar yfir þar sem brattinn var mestur. Það merkilega var að fræið sem fór undir heyrúlluefnið spíraði strax og ruddist upp í gegn. Fræið sem dreift var yfir spíraði seint.

 

Þurrrúlludreifingin hefur þegar sannað gildi sitt. Gildi blautrúlluverkefnisins verður ekki metið fyrr en að vori.

 

Við í Skógum erum tilbúin til að taka við úr sér gengnum heyrúllum, jafnvel þó að þær séu orðnar vel morknar. Rúllurnar verða nýttar til uppgræðslu.

 

Vegna tækjaskorts í Skógum er þetta háð því að sá sem þarf að losna við rúllurnar komi þeim á staðinn í samráði við Böðvar Jónsson í síma 820 2105.

 

Athugasemdir

L˙­vig Lßrussson, sunnudagur 29 ßg˙st kl: 23:37

SŠll B÷­var!
FrßbŠrt framtak hjß ■Úr. Ůetta er lÝka okkar reynsla ß Skˇgarstr÷ndinni a­ engar heyr˙llur vir­ast of gamlar til a­ nřtast Ý uppgrŠ­slu ÷rfoka lands. Reynsla okkar er lÝka a­ meiri ■ykkt er betri en minni til a­ tryggja grˇ­urfestuna. SÚu birkifrŠbankar Ý nßgenninu lÝ­ur vŠntanlega ekki ß l÷ngu ■ar til birki­ fer a­ vaxa ■arna lÝka. Bezt er a­ sjß ßrangurinn til a­ sjß a­ ma­ur er ß rÚttri lei­.

Me­ beztu kve­ju um gˇ­an ßrangur,

L˙­vÝg

Skrifa­u athugasemd:


Atbur­adagatal

« Desember 2020 »
S M Ů M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31