Tenglar

f÷studagur 1. jan˙ará2010 |

Nřtt h˙s risi­ vi­ Hellisbraut ß Reykhˇlum

1 af 2
Eins og fram hefur komið hefur fólki fjölgað jafnt og þétt í Reykhólahreppi og á Reykhólum síðustu árin. Þó að alltaf sé verið að byggja er stöðugur hörgull á húsnæði í Reykhólaþorpi. Síðustu daga ársins sem var að kveðja rættist þó nokkuð úr, að minnsta kosti í bili. Hópur duglegra krakka tók sig til og reisti myndarlegt snjóhús við Hellisbrautina og tók verkið ekki nema fjóra daga. Byggingameistarinn er Gilbert Þór Jökulsson og má sjá hann hér á mynd nr. 2 en á fyrri myndinni njóta húsbyggjendur útsýnisins uppi á þaki að loknu vel unnu verki.

 

Ekki viðraði vel til húsasmíða af þessu tagi lengi framan af vetri en úr því rættist heldur betur í veðuráhlaupinu um jólin þegar forsjónin lagði til nægilegt byggingarefni. Það verður svo hin sama forsjón sem ræður því hversu lengi nýja mannvirkið fær að standa, svipað og með önnur mannanna verk. Líklega vonast þó ekki margir til þess að tíðarfarið á nýja árinu verði með þeim hætti að hús þetta megi nota sem sumarbústað.

 

Myndir: Ingibjörg Þór.

 

Skrifa­u athugasemd:


Atbur­adagatal

« Nˇvember 2020 »
S M Ů M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30