Tenglar

f÷studagur 7. j˙nÝá2013 | vefstjori@reykholar.is

Nřr framlei­slustjˇri hjß Ů÷rungaverksmi­junni

Gar­ar Jˇnsson, hinn nři framlei­slustjˇri Ů÷rungaverksmi­junnar.
Gar­ar Jˇnsson, hinn nři framlei­slustjˇri Ů÷rungaverksmi­junnar.

Garðar Jónsson hefur verið ráðinn framleiðslustjóri Þörungaverksmiðjunnar á Reykhólum og tekur við af Þorgeiri Samúelssyni sem flyst yfir á verkstæði fyrirtækisins. Þorgeir hóf störf í verksmiðjunni árið 1973 eða fyrir fjörutíu árum og hefur unnið þar mikinn hluta þess tíma. Síðustu fimm árin hefur hann gegnt starfi framleiðslustjóra en óskaði nú eftir flutningi milli deilda í fyrirtækinu.

 

Starfið leggst vel í Garðar Jónsson, hinn nýja framleiðslustjóra verksmiðjunnar, enda kveðst hann vera mikið náttúrubarn. „Þessi fallegi staður við Breiðafjörð á eflaust eftir að veita mér góðan innblástur. Ég lít á nýja starfið sem spennandi tækifæri sem gaman verður að takast á við,“ segir Garðar, sem fljótlega sest að við Hellisbrautina á Reykhólum.

 

Garðar er fæddur árið 1966 og kemur frá Akranesi þar sem hann ólst upp. Hann er Breiðfirðingur í föðurætt, nánar tiltekið frá Höskuldsey á sunnanverðum Breiðafirði. Garðar hefur áralanga reynslu af sjómennsku, bæði af vinnu í togurum og á vertíðarbátum frá Akranesi og Hrísey í Eyjafirði, þangað sem hann á líka ættir að rekja.

 

Árið 1991 lá leið Garðars til Elkem á Grundartanga þar sem hann starfaði í rúma tvo áratugi, fyrst sem almennur verkamaður og vaktmaður en síðan sem þjálfari í verkferlum og verkefnastýringu. Síðustu árin starfaði Garðar sem rekstrarstjóri yfir þremur lykilferlum í Járnblendiverksmiðjunni og hefur hlotið umtalsverða menntun og þjálfun í stýringu verkferla með áherslu á öryggi starfsmanna og gæði framleiðslunnar.

 

Skrifa­u athugasemd:


Atbur­adagatal

« September 2017 »
S M Ů M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30