Tenglar

laugardagur 21. aprÝlá2012 | Hlynur ١r Magn˙sson

Nesskel: RÝkis˙tvarpi­ hengir en lei­rÚttir ekki

Bergsveinn ß Grˇust÷­um sřnir krŠklinginn sinn ß ËlafsdalshßtÝ­.
Bergsveinn ß Grˇust÷­um sřnir krŠklinginn sinn ß ËlafsdalshßtÝ­.

Ríkisútvarpið hefur ekki birt leiðréttingu vegna fréttar sinnar um áminningu Umhverfisstofnunar á hendur Nesskel í Króksfjarðarnesi vegna meintra frávika frá skilyrðum fyrir starfsleyfi. Í frétt RÚV 14. apríl, sem enn (21. apríl) má finna á vef þess, var einnig greint frá ákvæðum um dagsektir upp á hálfa milljón króna á dag frá 16. apríl. Umhverfisstofnun dró áminninguna til baka þegar óréttmæti hennar kom í ljós og baðst afsökunar. Eftir stendur þá hlutur Ríkisútvarpsins að greina frá afsökunarbeiðninni, en ríkismiðillinn einn allra fjölmiðla sagði frá áminningunni í fréttum sínum.

 

„Mér finnst þetta afskaplega léleg fréttamennska hjá Ríkisútvarpinu,“ segir Bergsveinn Reynisson á Gróustöðum við Gilsfjörð, forsvarsmaður Nesskeljar ehf. og formaður Skelræktar, félags íslenskra skelræktenda. „Mér finnst það umhugsunarefni hversu auðvelt það er fyrir sjálfan ríkisfjölmiðilinn að svipta mig ærunni. Þarna er ég hengdur og ekki birt leiðrétting. Þetta voru mannleg mistök hjá Umhverfisstofnun og hún hefur beðist afsökunar og það er allt fyrirgefanlegt. Mér finnst það hins vegar miklu stærra mál að Ríkisútvarpið skuli láta þetta standa hjá sér óleiðrétt,“ segir Bergsveinn.

 

„Ég var úti á sjó þegar hringt var í mig út af fréttinni í útvarpinu og vissi þá fyrst af þessari áminningu. Ekki var haft samband við mig af hálfu fréttastofu Ríkisútvarpsins og enginn fréttamaður hefur haft samband við mig út af þessu og leitað skýringa hjá mér nema þú. Ef marka má Ríkisútvarpið er ég stimplaður brotamaður og umhverfissóði sem verður að borga hálfa milljón króna á dag í dagsektir. Þetta með dagsektirnar stóð hins vegar aldrei til af hálfu Umhverfisstofnunar hvað mig varðar þó að lögin segi að leggja megi á slíkar sektir.“

 

Fréttavefur Morgunblaðsins (mbl.is) og Fréttablaðið sögðu frá mistökum og afsökunarbeiðni Umhverfisstofnunar enda þótt þessir miðlar hefðu ekki greint frá áminningunni eins og Ríkisútvarpið ohf. gerði.

 

Áminning Umhverfisstofnunar var birt á vef stofnunarinnar daginn áður en Ríkisútvarpið greindi frá henni í fréttum eða 13. apríl. Í áminningunni segir: 

  • Rekstraraðili á eftir að meta umhverfisástand botns á svæðum þar sem heimilt er að vera með línur sbr. gr. 3.2 í starfsleyfi.
  • Fyrirtækið á eftir að gera áhættumat og viðbragðsáætlun sbr. gr. 4.4 í starfsleyfi.
  • Umhverfisstofnun veitir Nesskel frest til 16. apríl til þess að skila inn staðfestingu á að bætt hafi verið úr framangreindum frávikum. Sinni Nesskel ekki tilmælum Umhverfisstofnunar innan tilskilins frests er stofnuninni heimilt að ákveða fyrirtækinu dagsektir allt að upphæð 500.000 krónur á dag þar til úr er bætt. 

Afturköllun áminningarinnar ásamt afsökunarbeiðni birti Umhverfisstofnun á vef sínum 17. apríl. Þar segir m.a.: 

  • Nú hefur komið í ljós að umrædd gögn voru send Umhverfisstofnun 22. mars sl. en voru ekki höfð til hliðsjónar við vinnslu málsins vegna mistaka við skráningu. 

Bergsveinn á Gróustöðum var árið 2009 kjörinn formaður Skelræktar, félags íslenskra skelræktenda, og hefur verið endurkjörinn síðan og síðast núna í mars.

 

Athugasemdir

Ůrymur Sveinsson, sunnudagur 22 aprÝl kl: 16:50

╔g sendi fyrirspurn ß Pßl Magn˙sson ˙tvarpsstjˇra hvort Štti ekki a­ lei­rÚtta ■etta.

Skrifa­u athugasemd:


Atbur­adagatal

« ┴g˙st 2017 »
S M Ů M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31