Tenglar

f÷studagur 18. febr˙ará2011 |

Nemendur Ý Dalabygg­ ver­launa­ir

Frß afhendingu ver­launanna.
Frß afhendingu ver­launanna.
Nemendur Auðarskóla í Búðardal hlutu önnur verðlaun í fyrri hluta verkefnisins Heimabyggðin mín, nýsköpun, heilbrigði og forvarnir. Afhending verðlaunanna fór fram í Háskólanum í Reykjavík fyrir skömmu. Verkefnið er á vegum Landsbyggðarvina í Reykjavík og nágrenni. Um er að ræða samstarfsverkefni höfuðborgar og landsbyggðar, sem Reykjavíkurborg og fleiri styrkja. Verkefnið felst í því, að nemendur í efstu bekkjum grunnskóla skrifa ritgerðir um það hvernig þeir sjá heimabyggðina geta orðið betri. Fyrstu verðlaun hlaut nemandi í Grunnskóla Raufarhafnar og þriðju verðlaun hlaut nemandi í Borgaskóla í Grafarvogi.

 

Í þessum verkefnum velur sérstök dómnefnd bestu hugmyndir, sem gefa fyrirheit um skemmtilegri og lífvænlegri heimabyggð. Dómnefndina skipa Þórólfur Þórlindsson prófessor, Þorgrímur Þráinsson rithöfundur og Svala Jónsdóttir hjúkrunarfræðingur. Álit dómnefndar varðandi framlag nemendanna í Auðarskóla er á þessa leið:

 

„2. verðlaun. Nemendur Auðarskóla í Búðardal fyrir fjölbreyttar og áhugaverðar hugmyndir um eflingu heimabyggðar. Dómnefndin hefur ákveðið að verðlauna þá nemendur sem sendu inn fjölbreyttar tillögur í stað þess að taka eina út sérstaklega. Það er áhugavert að setja upp skíðalyftu í fjall hjá Laugum en brekkan gæti þá nýst fyrir reiðhjól („downhill“) á sumrin. Hugmyndin um alhliða heilsumiðstöð og félagsmiðstöð er spennandi, bæði sem afþreying fyrir heimamenn og ferðamenn sem gætu notið fjölbreyttrar þjónustu í heilsumiðstöðinni. Það að mála „Velkomin í Búðardal“ á gamla vatnstankinn er skemmtileg hugmynd, sem og að snyrta bæinn enn frekar. Nemendur Auðarskóla sýna mikinn metnað í því að vilja efla heimabyggðina með aukinni þjónustu við ferðamenn og ekki síst að stefna að því að auka félagslífið á svæðinu enn frekar.“

 

Formaður og verkefnisstjóri Landsbyggðarvina í Reykjavík og nágrenni er Fríða Vala Ásbjörnsdóttir. Aðrir í stjórn eru Ragna Árnadóttir, fyrrv. dómsmálaráðherra, Steffen Iwersen, arkitekt, Halldór J. Jörgensson, frkvstj. Microsoft á Íslandi, og Svala Jónsdóttir, fyrrv. deildarhjúkrunarfræðingur á skurðdeild Landspítalans.

 

Nánar á vef Landsbyggðarvina

 

Skrifa­u athugasemd:


Atbur­adagatal

« Oktˇber 2021 »
S M Ů M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31