Tenglar

mßnudagur 15. ßg˙stá2011 | Hlynur ١r Magn˙sson

Moses Hightower me­ stofutˇnleika ß Nřp

Moses Hightower.
Moses Hightower.
1 af 2

Sálarkvartettinn alíslenski Moses Hightower heldur „stofutónleika“ á menningarsetrinu Nýp á Skarðsströnd á fimmtudagskvöld kl. 20.30. Kvartettinn sló óvænt í gegn á síðasta ári með frumburði sínum, Búum til börn, og hefur hlotið afar lofsamlega dóma í helstu fjölmiðlum. Þeir dómar haldast í hendur við plötusölu, aðsókn að tónleikum og spilun í útvarpi og sýna að sveitin hefur snarlega skipað sér í framvarðasveit íslenskrar tónlistar.

 

Tónlist sveitarinnar er öll frumsamin og textarnir einnig, en þeim hefur m.a. verið líkt við textagerð Spilverks þjóðanna. Lagasmíðunum er erfiðara að finna hliðstæðu fyrir hér á landi. Augljóst er þó að þar er ausið duglega úr brunni sálartónlistar sjöunda og áttunda áratugarins, þar sem andar Bill Withers, Sly & The Family Stone og Curtis Mayfield svífa yfir vötnum.

 

Hljómsveitina Moses Hightower skipa þeir Andri Ólafsson sem syngur og spilar á bassa, Daníel Friðrik Böðvarsson gítarleikari, Magnús Trygvason Eliassen sem spilar á slagverk og Steingrímur Karl Teague sem syngur og spilar á hljómborð. Aðgangseyrir að tónleikunum á Nýp er kr. 1.500.

 

Lauslega áætlað eru um 12-15 kílómetrar frá vegamótum í Saurbænum út að Nýp.

 

Nokkrar fréttir hér á vefnum varðandi menningarstarfið á Nýp á Skarðsströnd:

21.07.2011  Fjallað um ævintýri við Breiðafjörð

30.07.2010  Séra Matthíasar minnst með málþingi

08.08.2008  Einhver áhugaverðasta myndlistaruppákoma sumarsins

 

Facebook-síða Moses Hightower

 

Skrifa­u athugasemd:


Atbur­adagatal

« Nˇvember 2017 »
S M Ů M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30