Tenglar

mßnudagur 8. ßg˙stá2011 |

Mikill gestafj÷ldi ß vi­bur­um Reykhˇladaganna

═sinn er allra bestur Ý sˇl og sumaryl. Ljˇsm. ١rarinn Ëlafsson.
═sinn er allra bestur Ý sˇl og sumaryl. Ljˇsm. ١rarinn Ëlafsson.

Harpa Eiríksdóttir ferðamálafulltrúi Reykhólahrepps hefur tekið saman yfirlit í stórum dráttum um ganginn á Reykhóladögum 2011. Hún sá að mestu um skipulagninguna og hélt utan um allt saman en fékk margar góðar hendur til að koma þessu verkefni í framkvæmd. „Frábær hátíð er nú afstaðin og allt gekk mjög vel. Ég vil ég þakka öllum fyrir það óeigingjarna starf sem fólk innti af hendi til að þessi hátíð yrði svona flott“, segir Harpa. Punktarnir frá henni fara hér á eftir.

 

Dagarnir byrjuðu á fimmtudagskvöld með góðri þátttöku á sýningu gamalla og stórmerkra heimildamynda Barðstrendingafélagsins frá Breiðafjarðareyjum, sem haldin var á Báta- og hlunnindasýningunni.

 

Á föstudagsmorguninn mættu hestarnir og heimalingarnir á svæðið og fengu mikla athygli frá ungdómum. Harpa og Elínborg sáu um að teyma undir krökkum og voru farnir margar ferðir og allir voða lukkulegir. Eftir það tóku við ratleikir inni á safni og hátt í 20 krakkar tóku þátt í þeim – og allir fóru heim með spilastokk.

 

Á Báta- og hlunnindasýningunni var í hádeginu boðið í súpu sem Harpa eldaði - sjávarréttasúpu án sjávarrétta - og fór hún vel í gesti. Þeir voru svo margir að súpan kláraðist.

 

Góð þátttaka var á kassabílakeppninni þar sem sjö kassabílar komu til leiks. Frábær tilþrif hjá keppendum og voru verðlaun veitt fyrir flottasta bílinn, bestu tilþrifin og stemmarann.

 

Söngkeppninni var skipt í 7 ára og yngri og síðan eldri. Góð þátttaka var og fengu allir sem tóku þátt í keppninni drykk og prjónað armband og blóm. Síðan voru veitt verðlaun fyrir 1. sæti í báðum hópum. Yfir 100 manns komu og hvöttu krakkana til dáða.

 

Tendrað var upp í grillinu um sexleytið og komu rúmlega 50 manns „með rolluna“ á grillið.

 

Átta lið tóku þátt í spurningakeppninni í íþróttahúsinu að viðstöddum yfir 200 gestum. Til úrslita kepptu Barðstrendingafélagið og Vitringarnir þrír og sigraði síðarnefnda liðið. Annars voru lið og skipan þeirra svona:

 

          Barðstrendingafélagið – Ólína, Hanna og Hugrún

          Feitu mennirnir á hinni vaktinni – Eggert, Torfi og Hlynur

          Reykhólaskóli – Kolfinna, Andrea og Ásta Sjöfn

          Rip, Rap og Rup – Ásbjörn, Bragi og Bjössi

          Sambýlingarnir – Olga Þórunn, Hekla Karen og Guðmundur

          Snillingarnir – Guðmundur, Eiríkur og Dalli

          Vitringarnir þrír – Hlynur Þór, Björk og Harpa

          Ættarmótið – Ættin frá Kambi

 

Dagskráin á laugardag byrjaði snemma með siglingu út í Flatey sem jafnframt var messuferð. Í hádeginu var súpa í boði á Báta- og hlunnindasýningunni, við Hellisbrautina hjá Björk (Björk og Íris voru með hana), á Litlu-Grund (Ásta Sjöfn) og hjá SjávarSmiðjunni var Áslaug með súpu og Svana og Dídí með smakk.

 

Steinar og Sirry í Álftalandi buðu síðan heim í smakk á heilgrilluðu lambi. Að vísu voru sumir ekki að fatta að þarna var verið að bjóða upp á smakk og fengu sér slatta, svo ekki fengu allir smakk sem vildu.

 

Tumi bóndi á Reykhólum og Þorvaldur úr Hvallátrum sýndu fólki hvernig á að verka sel og vinna fugla fyrir uppstoppun. Líka fengu gestir að smakka selakjöt. Margt var um manninn hjá þeim félögum.

 

Markaður var hjá SjávarSmiðjunni á Reykhólum og var hægt að kaupa ís, handverk, rauðmaga, bjúgu, kökur og föt. Mikið var um að vera og sáu systurnar frá Mávavatni um tónlistina hluta úr degi. Sumir skelltu sér í þaraböð SjávarSmiðjunnar.

 

Þátttakan í dráttarvélakeppninni var frábær, 18 karlar og 4 konur kepptu. Torfi vann í karlakeppnni á 56,40 sekúndum og Harpa vann í kvennakeppninni á 1,24 mínútum.

 

Vöfflusala Kvenfélagsins var í íþróttahúsinu, þar sem líka voru hoppikastalar og sjoppa.

 

Karl- og kvenskörungakeppnin var haldin í Kvennó og fjölmenntu fylgdist með. Tíu pör kepptu og sérstaklega skemmtu Guðmundur og Ásta Sjöfn mannskapnum með sinni frábæru keppnissnilld. Þessi pör lentu í efstu sætum:

 

          1. Ásbjörn og Sigurdís, í verðlaun fengu þau frítt á kvöldskemmtunina

          2. Bjössi og Eygló

          3. Jón Þór og Hekla Karen

 

Krakkarnir fengu að leita að borðum í trjánum og fengu sleikjó frá Flottum lokkum að gjöf fyrir að skila borðunum.

 

Frábær þátttaka var hjá krökkunum í rokhlaupinu.

 

Klukkan hálffimm fóru forndráttarvélarnar sem höfðu verið til sýnis hjá Báta- og hlunnindasýningunni á rúntinn. Þetta voru 16 vélar, hver annarri merkilegri og fallegri. Elstur traktoranna var Farmall A árgerð 1945 og hann sat Bjarni Ólafsson frá Króksfjarðarnesi.

 

Skemmtilegt er að segja frá því að Sverrir Guðbrandsson frá Klúku í Miðdal, sem varð 90 ára á þessu ári, kíkti á Reykhóladagana og fékk að prófa gamla dráttarvél sem er alveg eins og vélin sem hann keypti árið 1956. Núna eru 40 ár síðan Sverrir hætti að búa svo að smátími er liðinn síðan hann settist upp á svona dráttarvél síðast. Hann fór ekki á rúntinn en fékk að prófa traktorinn á meðan vélarnar voru til sýnis.

 

Pulsupartíið með Erni Árnasyni leikara sló í gegn og voru grillaðar hátt í 200 pylsur. Örn lék sér með börnunum áður en hann hjálpaði til að grilla. Síðan komu nokkrir foreldrar og hjálpuðu við að setja á puslurnar fyrir börnin. Verðlaunin fyrir kassabílakeppnina og söngkeppnina voru afhent.

 

Kvöldskemmtunin í íþróttahúsinu var vel heppnuð og var boðið upp á lambakjöt og kjúkling og meðlæti. Hátt í 200 manns komu og skemmtu sér, Örn Árnason sá um veislustjórn, Leikfélagið Skrugga sýndi leikþátt og Hrefna Jónsdóttir tók nokkur lög. Örn var mjög flottur og ekki lét hann það vera að herma aðeins eftir henni Hörpu, aðalskipuleggjanda hátíðarinnar. Dyraverðir komu frá Björgunarsveitinni Ósk í Dalasýslu og stóðu vaktina. Þórunn og Halli frá Ísafirði spiluðu fyrir dansi.

 

Hátíðin var mjög góð og alveg frábært að sjá hana ganga svona vel.

 

Sjáumst að ári – allar ábendingar um það sem betur mætti fara - og líka um það sem fór svo rosalega vel að það ætti að endurtaka að ári - mega berast til Hörpu á info@reykholar.is eða með öðrum hætti.

 

Athugasemdir

ËlÝna KristÝn, ■ri­judagur 09 ßg˙st kl: 14:50

Ůetta var snilldin tŠr hjß ykkur.

Skrifa­u athugasemd:


Atbur­adagatal

« Nˇvember 2021 »
S M Ů M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30