Tenglar

f÷studagur 8. maÝá2009 |

Lostalengjur, ßlfasulta og mysuso­in blßskel

┌trei­art˙r ß sandinum Ý Írlygsh÷fn. Ljˇsm. ┴g˙st G. Atlason.
┌trei­art˙r ß sandinum Ý Írlygsh÷fn. Ljˇsm. ┴g˙st G. Atlason.

Vestfirðir verða kynntir á ferðaþjónustusýningunni „Ferðalög og frístundir" sem verður um helgina í Laugardalshöll, en Markaðsstofa Vestfjarða verður með bás á sýningunni. Jafnframt fer fram Matreiðslukeppni landshlutanna, en verkefnið Veisla að vestan er þátttakandi í báðum þessum viðburðum. Í matreiðslukeppninni mun Guðmundur Helgason matreiðslumeistari á Hótel Núpi keppa fyrir hönd Vestfjarða og hefur verið settur fram glæsilegur matseðill þar sem nánast eingöngu er stuðst við hráefni frá Vestfjörðum. Má þar nefna lambakjöt, lostalengjur, bláskel, reykta tindabikkju, plokkfisk, ber, krydd, sultur, ábrystir, rjóma og plómur.

 

Framleiðendur í Veislu að vestan leggja til hráefni í keppnina. Þátttakendur í því verkefni eru um þrjátíu talsins og eiga það sameiginlegt að vinna með vestfirskt hráefni. Það kom aðstandendum verkefnisins skemmtilega á óvart hversu mikið er í boði hérna fyrir vestan og hefði hæglega verið hægt að búa til nokkra matseðla úr því afbragðshráefni sem framleitt er á svæðinu.

 

Myndin frá útreiðartúr í Örlygshöfn sem hér fylgir er ein þeirra mynda sem Markaðsstofa Vestfjarða notar til að kynna Vestfirði. Höfundur hennar er Ágúst G. Atlason (gusti.is).

 

Hér fyrir neðan er vestfirski matseðillinn í keppninni en til stendur að bjóða rétti af honum á veitingastöðum á Vestfjörðum í sumar.

 

Forréttur: Vestfirsk fiskiþrenna

Mysusoðin bláskel, landa, einiberjasmjörsósa

Reykpækluð tindabikkja, rófumús, hafrakex, gulmaðra

Plokkfiskur, rúgbrauð

 

Aðalréttur: Vestfirsk lambaþrenna

Lambahryggvöðvi, blóðberg

Lostalengjur, álfasulta, rjómaostur

Kótiletta í raspi, skessujurt, salvía, kerfilsfræ

Kartöfluþrenna (soðsteikt, mús, flögur), sykurbrúnaðar gulrætur, braseruð sellerírót, lambasoðsósa

 

Eftirréttur: Vestfirsk eftirréttarþrenna

Ábrystir að hætti franskra duggara

Bláberjaís, stökkt kex

Pönnukaka, berjarjómi

 

Sjá einnig:

28.11.2008 Matartengd ferðaþjónusta - nafnasamkeppni

13.01.2009 Vestfirska matarverkefnið: Veljið bestu tillögurnar

 

Skrifa­u athugasemd:


Atbur­adagatal

« AprÝl 2021 »
S M Ů M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30