Tenglar

mßnudagur 25. j˙lÝá2016 | Hlynur ١r Magn˙sson

Landi­ allt Ý bygg­!

Gunnar Bragi Sveinsson.
Gunnar Bragi Sveinsson.

Einn af þeim málaflokkum sem ég er að takast á við þessa dagana eru byggðamál. Þrátt fyrir góðan vilja hefur ekki tekist með fullnægjandi hætti að sporna við þeim raunveruleika, að sumar byggðir í landinu þurfi stanslaust að standa í baráttu við að verja sinn hlut og berjast gegn því að þjónusta minnki og fólki fækki.

 

Þessu þarf að breyta. Við Íslendingar erum hins vegar ekki eina þjóðin sem glímir við þennan vanda. Um allan heim hefur þessi þróun átt sér stað og því ekki úr vegi að líta á hvaða úrræði hafa gagnast vel þar.

 

Í Noregi, Danmörku og Svíþjóð hefur skattkerfinu verið beitt til þess að styrkja byggðir og skapa þannig jákvæða hvata fyrir fólk að setjast að á dreifbýlum svæðum og hefur árangurinn af þessum aðgerðum verið góður. Það er okkur lífsnauðsynlegt að hringinn í kringum landið sé blómleg byggð, og það er ekki bara tilfinning heldur einnig þjóðhagslega mikilvæg aðgerð.

 

Í ljósi þess hef ég því sett af stað vinnu sem miðar að því að skoða hvernig beita megi skattkerfinu með það að augnamiði að styrkja byggðir landsins. Byggðastofnun leiðir þá vinnu.

 

Þannig hefst grein sem Gunnar Bragi Sveinsson, sjávarútvegs-, landbúnaðar- og byggðamálaráðherra, sendi vefnum til birtingar undir fyrirsögninni hér fyrir ofan. Niðurlag hennar er þannig:

 

Eitt af þeim atriðum sem við leggjum áherslu á er að íbúar landsins alls njóti sömu tækifæra hvað varðar aðgengi að opinberri grunnþjónustu. Þar er um að ræða helstu svið opinberrar þjónustu svo sem heilbrigðisþjónustu, menntun, samgöngur, fjarskipti, löggæslu og menningu.

 

Það er okkur lífsnauðsynlegt sem þjóð að standa saman að uppbyggingu og framförum. Við verðum því að sameinast um að ráðast í aðgerðir sem tryggja að íbúar um land allt fái notið þeirrar þjónustu sem kröfur eru gerðar um í nútímasamfélagi.

 

Grein Gunnars Braga má lesa hér í heild og undir Sjónarmið í valmyndinni vinstra megin.

 

Skrifa­u athugasemd:


Atbur­adagatal

« J˙nÝ 2017 »
S M Ů M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30