Tenglar

fimmtudagur 9. j˙lÝá2009 |

KvikmyndabiblÝan Variety hrˇsar Hei­inni

Einar ١r Gunnlaugsson.
Einar ١r Gunnlaugsson.
Kvikmyndabiblían Variety fer lofsamlegum orðum um íslensku kvikmyndina Heiðina sem leikstýrt er af hinum breiðfirskættaða Einari Þór Gunnlaugssyni frá Hvilft í Önundarfirði. Myndin fór nánast með veggjum í kvikmyndahúsum hér á landi en gagnrýnandinn Derek Elley telur hana hafa allt til brunns að bera til að geta gert góða hluti á kvikmyndahátíðum úti í heimi. Með helstu hlutverk í myndinni fara þeir Gunnar Eyjólfsson, Gísli Pétur Hinriksson og Jóhann Sigurðarson. Heiðin var tekin upp á sunnanverðum Vestfjörðum á síðasta ári, að mestu leyti í Reykhólahreppi.

 

„Leikstjórinn Einar fer mildari höndum um fáránleika eyjunnar sem hann er frá en margir forverar hans í starfi", skrifar Elley meðal annars, og bætir því við að myndin sé umvafin einhverri nálægð og hlýju, eiginleikum sem ættu að heilla kvikmyndagesti á kvikmyndahátíðum um alla Evrópu.

 

Heiðin hefur farið víða með leikstjóra sínum. Nú síðast var hún í Kína þar sem hún stóðst ritskoðun þarlendra stjórnvalda en meðal annarra hátíða má nefna kvikmyndahátíðir í Noregi, Þýskalandi og Eistlandi.

 

Einar er nú á fullu við að undirbúa heimildarmynd sem vafalítið á eftir að vekja mikla athygli en þar safnar hann saman myndskeiðum frá fólki á Vestfjörðum frá árunum 1960 til dagsins í dag. Myndin er unnin í samvinnu við Kvikmyndamiðstöð Íslands og Ríkisútvarpið. Þá kemur fram á heimasíðu Passportfilms, kvikmyndafyrirtækis Einars, að í undirbúningi sé spennumyndin Vista og heimildarmyndin La Colonia.

 

Frá þessu er greint í Fréttablaðinu í dag.

 

Sjá einnig:

17.05.2009  Reykhólahreppur slapp gegnum ritskoðun í Kína

17.11.2008  Heiðin fær prýðilega dóma í Þýskalandi

 

Skrifa­u athugasemd:


Atbur­adagatal

« Desember 2021 »
S M Ů M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31