Tenglar

fimmtudagur 17. j˙lÝá2008 | Hlynur ١r Magn˙sson

KÝkir ß Reykhˇlavefinn Ý New York ß morgun

Jˇhannes Bjarni Gu­mundsson, flugstjˇri og forma­ur F═A.
Jˇhannes Bjarni Gu­mundsson, flugstjˇri og forma­ur F═A.
1 af 6

Jóhannes Bjarni Guðmundsson, flugstjóri og formaður Félags íslenskra atvinnuflugmanna (FÍA), er betur þekktur meðal vina og kunningja sem Jói Baddi. Hann tyllti sér í dag á flugbrautina á Reykhólum á fornfrægri vél og skaust í mömmumat inn í Mýrartungu á milli þess sem hann renndi fyrir fisk við Ísafjarðardjúp. Á morgun verður hann kominn til New York sem flugstjóri á öllu stærri vél eða Boeing 757.

Farkosturinn í dag var Cessna 180 árgerð 1953, sem er einhver fyrsta sjúkraflugvélin hérlendis. Hún ber nafnið Björn Pálsson eftir fyrsta eiganda sínum, sjúkraflugmanninum alkunna, sem notaði hana alla sína tíð og fór meðal annars á henni í sjúkraflug til Grænlands. „Ótrúlegt", segir Jói Baddi um það, enda breytast tímarnir í fluginu eins og öðru með örskotshraða.

 

Hann segir það skemmtilegt að fljúga þessari gömlu og merkilegu vél og leika sér á henni. Oft hefur hann lent á flugbrautinni á Reykhólum á hinum og þessum flugvélum og það svo sem ekki að ástæðulausu: „Pabbi og mamma unnu í mörg ár á skrifstofu hreppsins hérna hinum megin við veginn. Núna var ég bara að kíkja í mat til mömmu."

 

Jói Baddi er upprunninn í Hnífsdal við Ísafjarðardjúp utanvert, sonur Guðmundar H. Ingólfssonar, sem á sínum tíma var forseti bæjarstjórnar Ísafjarðarkaupstaðar, og Jónu Valgerðar Kristjánsdóttur, fyrrum alþingismanns, systur Adda Kitta Gau þingmanns og flokksformanns. Nálægt miðjum síðasta áratug var Guðmundur fenginn til að koma suður yfir heiðar og taka að sér starf sveitarstjóra í Reykhólahreppi og settust þau hjónin að í Mýrartungu II í Reykhólasveit. Í veikindum Guðmundar tókst Jóna Valgerður síðan starf hans á hendur og gegndi því að fullu frá andláti hans árið 2000 og fram til 2002. Hún er enn búsett í Mýrartungu og verður þar iðulega fjölsetinn bekkurinn af börnum og tengdabörnum og barnabörnum og öðru skylduliði þó að ekki komi allir á flugvélum í mat eða kaffi. Hún sótti strákinn á Reykhólaflugvöll í dag og skilaði honum þangað aftur.

 

Vestfirðingar og landsmenn allir kynntust Jóa Badda á sínum tíma sem fréttamanni. Hann var ennþá nemandi í Menntaskólanum á Ísafirði þegar hann byrjaði í afleysingum á sumrin á Svæðisútvarpi Vestfjarða hjá Finnboga Hermannssyni. Síðan vatt það upp á sig, eins og hann orðar það, en síðasta samfellda vinnan hans hjá RÚV var þegar hann var fréttamaður á Sjónvarpinu fyrir tíu árum.

 

Um svipað leyti byrjaði hann sem flugmaður í innanlandsflugi á Fokkerunum og átti næstu misserin ófáar ferðirnar á alla áfangastaði hérlendis og víðar. Í ársbyrjun 2000 fór hann úr innanlandsfluginu í millilandaflugið. Núna er hann flugstjóri á Boeing 757 hjá Icelandair og mörgum kunnur úr fréttum sem formaður FÍA, einkum varðandi kjaramál og þess háttar, enda þótt hann sé ekki einu sinni orðinn hálffertugur.

 

Í dag skrapp Jói Baddi vestur í Ísafjarðardjúp að veiða og lenti á Arngerðareyri. Þaðan skaust hann á Reykhóla í mat hjá mömmu og fór síðan aftur að Arngerðareyri. Hann var í veiðiskapnum þangað til klukkan að ganga níu í kvöld en fór svo beint suður og heim í Garðabæinn. „Það er alltaf gott að koma í mat til mömmu", segir hann og bætir við: „Núna fékk ég hangiket og rabarbaragraut."

 

Flugvélin Björn Pálsson, sem hefur alltaf borið einkennisstafina TF-HIS, er eins hreyfils og fjögurra sæta. Björn notaði hana alla tíð til sjúkraflugs ásamt stærri vélum og reyndist hún einstakur happagripur. Hún er í góðu standi og er í eigu flugklúbbs atvinnuflugmanna, sem gáfu henni nafn hins þjóðkunna eiganda síns honum til heiðurs. Jói Baddi viðurkennir að talsverður munur sé á því að fljúga þessari vél og þotunum: „Já, það er stór munur þó að flugið sjálft sé alveg eins í grunninn", segir hann. „En - á fallegum dögum eins og núna er virkilega gaman að fljúga svona vél, alveg geggjað að fljúga yfir landið og skoða staði sem ekki allir sjá og eru ekki aðgengilegir öðruvísi - fossa, dalverpi, allt ..."

 

Í lokin á spjalli okkar segir hann: „Ég kíki svo á Reykhólavefinn í New York á morgun."

 

Athugasemdir

Einar Írn Thorlacius, mßnudagur 21 j˙lÝ kl: 09:10

Gaman a­ lesa vi­tali­ vi­ Jˇa Badda. Hann flaug einu sinni me­ mig og Jˇnu Valger­i ß ■essari g÷mlu vÚl frß Reykhˇlaflugvelli til ═safjar­ar ß einhvern fund og svo til baka aftur daginn eftir, minnir mig.

En ■a­ er ekki rÚtt a­ Jˇna Valger­ur hafi veri­ sveitarstjˇri Reykhˇlahrepps frß ßrinu 2000 til 2005, eins og segir hÚr a­ ofan. ╔g tˇk vi­ starfi sveitarstjˇra af sˇmakonunni Jˇnu Valger­i 1. oktˇber 2002 og gegndi ■vÝ til 1. ßg˙st 2006. Jˇna Valger­ur gegndi formlega starfi sveitarstjˇra 2000-2002.

KŠr kve­ja til allra Ý Reykhˇlahreppi

Einar Írn Thorlacius
Hvalfjar­arsveit

Hlynur ١r Magn˙sson, mßnudagur 21 j˙lÝ kl: 19:55

Ůakka ■Úr fyrir hlřleg or­, ßgŠti gamli vinur Einar Írn. Ja, eins og Úg reyni n˙ yfirleitt a­ vera fremur nßkvŠmur! ╔g veit mŠtavel a­ ■˙ varst hÚr sveitarstjˇri Ý fj÷gur ßr og fram til 2006. Hva­ ß a­ kalla ■etta? Pennagl÷p? FljˇtfŠrni? Almennan asnaskap? Hva­ sem ■vÝ lÝ­ur - Úg er b˙inn a­ lei­rÚtta ßrtali­ Ý textanum.

Skrifa­u athugasemd:


Atbur­adagatal

« September 2019 »
S M Ů M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30