Tenglar

mi­vikudagur 8. aprÝlá2009 |

Kaupsamningum um fasteignir stˇrfŠkka­i milli ßra

SÚ­ yfir Reykhˇla■orp.
SÚ­ yfir Reykhˇla■orp.

Aðeins tveimur kaupsamningum um fasteignir í Reykhólahreppi var þinglýst á síðasta ári. Til samanburðar voru þeir tíu á árinu 2007, samkvæmt upplýsingum frá Fasteignaskrá ríkisins. Í sundurliðunum sem birtar eru á vef Fasteignaskrár er fasteignum skipt í fjóra flokka, þ.e. fjölbýli, sérbýli, atvinnuhúsnæði og annað. Þeir tveir kaupsamningar sem þinglýst var á síðasta ári í Reykhólahreppi eru báðir flokkaðir undir „annað" og samanlagt kaupverð liðlega 6 milljónir króna.

 

Í Reykhólahreppi eru á árinu 2007 fimm þinglýstir samningar um sérbýli, einn um atvinnuhúsnæði og fjórir um annað. Samanlögð velta í þeim tíu samningum var um 79 milljónir króna, sem skiptist þannig, að samningarnir um sérbýli eru samtals um 44 milljónir (meðalverð á eign um 9 milljónir), samningurinn um atvinnuhúsnæði liðlega 6 milljónir og samningarnir um annað samtals tæplega 29 milljónir króna (meðalverð um 7 milljónir).

 

Þinglýstum kaupsamningum fækkaði einnig mjög milli ára þegar litið er á Vestfirði í heild. Árið 2007 voru þeir 233 og heildarvelta tæplega 2,2 milljarðar króna en árið 2008 voru þeir 121 og heildarvelta tæplega 1,1 milljarður króna. Ef litið er á landið í heild er munurinn enn meiri en á Vestfjörðum. Árið 2007 voru þinglýstir kaupsamningar alls 15.247 og heildarvelta um 406 milljarðar króna en árið 2008 voru þeir 6.238 og heildarvelta um 182 milljarðar króna.

 

Fasteignaskrá ríkisins

 

Skrifa­u athugasemd:


Atbur­adagatal

« Nˇvember 2020 »
S M Ů M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30