Tenglar

mßnudagur 2. maÝá2011 |

Kasta­ til bata - anna­ ßri­ Ý r÷­

Vei­ihˇpurinn Ý fyrra.
Vei­ihˇpurinn Ý fyrra.
Kastað til bata er verkefni á vegum Krabbameinsfélags Íslands, Samhjálpar kvenna og styrktaraðila, þar sem konum sem lokið hafa meðferð við brjóstakrabbameini er boðið í veiðiferð í Soginu í Grímsnesi 24.-25. maí. Umsóknir þurfa að berast Krabbameinsfélaginu ekki síðar en 4. maí eða á miðvikudag. Markmið þessa boðs er að veita konum tækifæri til að styrkja sig á líkama og sál með því að æfa flugukast í stórkostlegu umhverfi, njóta samvista við veiðifélaga með svipaða reynslu - og veiða, ef heppnin er með. Vanir fluguveiðimenn kenna að kasta flugu og verður tekið mið af líkamlegri getu hvers þátttakanda.

 

„Að veiða er að vona.“ Á staðnum verða einnig félagar úr Samhjálp kvenna, félagi til stuðnings konum sem fengið hafa brjóstakrabbamein, og starfsmaður frá Ráðgjafarþjónustu Krabbameinsfélagsins.

 

Gert er ráð fyrir þátttöku fjórtán kvenna. Gist er í tveggja manna herbergjum og á boðstólum verður ljúffengur og hollur matur í anda krása úr matreiðslubókinni Bragð í baráttunni. Ferðin hefst snemma að morgni 24. maí og lýkur að kveldi 25. maí. Þátttakendur fara á eigin bílum en mælst er til að þær hópi sig saman í bíla og deili eldsneytiskostnaði.

 

Á bökkum Sogsins gefst konum tækifæri til að gleyma sér í kyrrð og ró í stórbrotinni náttúrufegurð og sækja og gefa styrk til kvenna með svipaða reynslu og séu tilbúnar að miðla af sinni reynslu. Síðast en ekki síst er tilgangurinn sá að njóta gleðinnar sem því fylgir að kasta flugu, renna fyrir fisk, vaða tært vatn Sogsins og endurnærast á sál og líkama.

 

Þetta er í annað sinn sem verkefnið Kastað til bata er sett upp. Í fyrra voru þátttakendur sérlega ánægðir og halda þær enn hópinn. Þær sögðu meðal annars: „Þetta var sannkallað ævintýri frá upphafi til enda. Skipulagið var frábært, maturinn hollur og góður, leiðsögumennirnir stórkostlegir og allur aðbúnaður til fyrirmyndar. Frábær hreyfing fyrir „brjóstakonur“ og dásamleg samvera í fallegu umhverfi.“

 

Konur sem hafa hug á að taka þátt í Kastað til bata eru beðnar að senda umsókn til Ráðgjafarþjónustu Krabbameinsfélagsins ekki síðar en 4. maí. Nánari upplýsingar má finna á heimasíðu Krabbameinsfélagsins. Í Ráðgjafarþjónustunni eru veittar nánari upplýsingar í síma 540 1900. Þátttakendur hittast á undirbúningsfundi í Ráðgjafarþjónustunni fyrir ferðina.

 

Meðal samstarfsaðila Krabbameinsfélagsins í þessu verkefni eru Stangveiðifélag Reykjavíkur, Ellingsen, Veiðihornið og Kastað til bata 2010.

 

Umsækjendur þurfa að senda tölvupóst á Ásdísi Káradóttur hjá Ráðgjafarþjónustu Krabbameinsfélagsins, asdisk@krabb.is, þar sem fram koma eftirfarandi upplýsingar:

  • Nafn
  • Heimilisfang
  • Kennitala
  • Heimasími
  • Farsími
  • Hvenær brjóstakrabbameinsmeðferð lauk (mánuður og ár)
  • Hvaða tegund brjóstakrabbameinsmeðferðar (aðgerð, lyf, geislar)
  • 200 orða greinargerð um hvers vegna umsækjandi vill taka þátt í verkefninu
  • Hvernig metur umsækjandi líkamlegt ástand sitt til þess að taka þátt til endurhæfingarverkefni á borð við Kastað til bata?

Nánari upplýsingar veita:

  • Laila Sæunn Pétursdóttir, markaðsstjóri Krabbameinsfélagsins, í síma 540 1926 og 693 0175 og í netfanginu laila@krabb.is
  • Ásdís Káradóttir, Ráðgjafarþjónustu Krabbameinsfélagsins, asdisk@krabb.is
  • Dóra Júlíusdóttir, Samhjálp kvenna, samhjalp@krabb.is

Kastað til bata 2011 (pdf)

 

Skrifa­u athugasemd:


Atbur­adagatal

« Desember 2020 »
S M Ů M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31