Tenglar

mi­vikudagur 2. marsá2016 | Hlynur ١r Magn˙sson

KarlavÝgi loksins falli­

Bríet Arnardóttir hefur verið ráðin yfirverkstjóri hjá Vegagerðinni á Patreksfirði, fyrsta konan sem gegnir slíku starfi hér á landi. Vegaverkstjórastaðan, sem svo var kölluð, var virðingarembætti í héruðum landsins. Þetta karlavígi er nú fallið.

 

Frá þessu greinir Helgi Bjarnason blaðamaður og ræðir við Bríeti á baksíðu Morgunblaðsins í dag. Þar segir meðal annars:

 

Sunnanverðir Vestfirðir eru starfssvið yfirverkstjórans á Patreksfirði. Bríet ber meðal annars ábyrgð á snjómokstri og heflun vega, og því er sinnt eftir því sem fjárveitingar leyfa. Hún segir að fyrirrennari sinn í starfi, Eiður B. Thoroddsen rekstrarstjóri, hafi varað hana við að þessum þáttum fylgdi mikið álag og kvabb og að hún sem yfirmaður deildarinnar væri ekki í átta til fimm vinnu.

 

Eiður verður sjötugur á árinu og lætur af störfum með vorinu. Hann hefur starfað hjá Vegagerðinni frá því hann var unglingur og samfellt í fimmtíu ár.

 

Varðandi vegabætur telur Bríet að lagning nýs vegar í Gufudalssveit sé brýnasta verkefnið. Verið er að undirbúa verkið, meðal annars nýja leið um Teigsskóg í Þorskafirði. Hún segir mikilvægt að íbúar og atvinnulífið séu í góðu sambandi við vegakerfi landsins og höfuðborgarsvæðið. „Að mati okkar íbúanna ætti þetta að vera forgangsatriði í vegaframkvæmdum á Íslandi.“

 

Bríet hefur verið lengi starfandi í björgunarsveitinni Blakki á Patreksfirði og var formaður hennar í tæp níu ár. Þar fékk hún góða reynslu. „Þegar björgunarsveitin starfar þarf að taka margar ákvarðanir á stuttum tíma. Þá er sveitin hluti af öflugum samtökum, Slysavarnafélaginu Landsbjörg. Þar eru stöðug námskeið og margt hægt að læra. Þetta er góður skóli fyrir starf eins og þetta.“

 

Skrifa­u athugasemd:


Atbur­adagatal

« ┴g˙st 2017 »
S M Ů M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31