Tenglar

■ri­judagur 6. desemberá2016 | Umsjˇn

Jˇlasveinar heldur Ý stŠrra lagi

Kveikt var á jólatré Reykhólahrepps við Barmahlíð á Reykhólum rétt í birtingu í morgun, og tréð er eins og vænta mátti innan af Barmahlíð. Börn og fullorðnir gengu kringum þennan „einiberjarunn“ og sungu og jólasveinarnir Hurðaskellir og Gluggagægir útdeildu jólaeplum og mandarínum. Þeir bræður villtust á leiðinni að heiman í Vaðalfjöllum og Guðmundur á Grund kom auga á þá á fjallsbrúninni fyrir ofan.

 

Hann hjálpaði þeim niður og ók þeim síðan til fundar við tréð og hátíðargestina á dráttarvél frá landnámsöld. Varðandi myndir af þeim bræðrum með Guðmund á milli sín skal þess getið, að hann er ekki smávaxinn heldur eru jólasveinarnir í Vaðalfjöllum fremur í stærra lagi.

 

Eins og sjá má eru myndirnar ekki í réttri tímaröð.

 

Skrifa­u athugasemd:


Atbur­adagatal

« Oktˇber 2020 »
S M Ů M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31