Tenglar

sunnudagur 16. j˙nÝá2013 | vefstjori@reykholar.is

═svÚl Ý Reykhˇlasveit ß nř: Ëgisslega gˇ­ur

Birkir og MargrÚt Diljß Ý Bjarkalundi.
Birkir og MargrÚt Diljß Ý Bjarkalundi.
1 af 2

Ísvél er komin í Reykhólasveit á nýjan leik eftir margra ára hlé. Hún er í Bjarkalundi og var tekin í notkun um helgina til upphitunar (ef svo má komast að orði um ís-vél) fyrir þjóðhátíðina á morgun. Þegar meðfylgjandi myndir voru teknar í dag var erfitt að komast að afgreiðsluborðinu til myndatöku vegna þess fjölda sem var verið að afgreiða. Óhætt er að segja að ísinn hafi rokselst. Hann fæst hvort heldur er í brauðformi eða boxi.

 

Á mynd nr. 2 eru gestir undir hótelvegg að njóta íssins. Þegar spurt var hvort hann væri sæmilega ætur var svarað einróma: Ógisslega góður!

 

Unga afgreiðslufólkið sem stillti sér upp á mynd nr. 1, þegar traffíkinni linnti um stund, vinnur í Bjarkalundi í sumar. Það eru þau Birkir Stefánsson, nemandi í heimspeki við Háskóla Íslands, og Margrét Diljá Oddsdóttir, sem stundar læknanám við háskólann í Debrecen í Ungverjalandi. Margrét Diljá er dóttir Kolbrúnar Pálsdóttur hótelstýru og Odds Guðmundssonar framkvæmdastjóra Bjarkalundar (og þar með er hún rammættuð í Austur-Barðastrandarsýslu).

 

Skv. heimildum Reykhólavefjarins er líklega hátt í áratugur síðan síðast fékkst ís úr vél í Reykhólahreppi. Þegar Ingvar Samúelsson rak búðina á Reykhólum á sínum tíma var hann með ísvél og jafnframt var slík maskína í Bjarkalundi þangað til fyrir eitthvað um sex til átta árum.

 

Skrifa­u athugasemd:


Atbur­adagatal

« September 2017 »
S M Ů M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30