Tenglar

sunnudagur 12. febr˙ará2012 |

Hverjir vilja fara ß kvŠ­amannamˇt?

Frß Ůjˇ­lagahßtÝ­ ß Siglufir­i.
Frß Ůjˇ­lagahßtÝ­ ß Siglufir­i.

Verið er að kanna áhuga fólks á suðursvæði Vestfjarða á þátttöku í kvæðamannamóti sem haldið verður laugardaginn 3. mars á Siglufirði, í bæ Þjóðlagaseturs séra Bjarna Þorsteinssonar þjóðlagasafnara. Kvæðamannafélagið Ríma á Siglufirði stendur fyrir mótinu í samstarfi við Kvæðamannafélagið Gefjun á Akureyri. Vitað er að austfirskir og þingeyskir kvæðamenn munu fjölmenna á mótið auk þess sem Iðunn í Reykjavík verður þar með fulltrúa.

 

Þeir sem hefðu áhuga á því að vera með hafi samband við Magnús Ólafs Hansson á Patreksfirði í tölvupósti eða síma 490 2301.

 

Drög að dagskrá:

  • 12.00 - gestir boðnir velkomnir og kynna sig yfir léttum hádegisverði
  • 13.30 - námskeið*
  • 15.00 - stund fyrir spjall með kaffibolla og kleinu
  • 15.45 - námskeið*
  • 17.15 - hvíld fyrir kvöldvöku
  • 19.00 - kvöldvaka**

 

* Bára Grímsdóttir kvæðakona hefur staðfest komu sína á mótið. Hún og hennar maður Chris Foster eru tilbúin að kenna allt mögulegt sem viðkemur kvæðamennsku og íslenskum þjóðlögum, svo sem kvæðalög, hvernig á að spila á langspil og fiðlu, tvísöngva hvers konar, útsetningar og flutningsmáta. Þau eru opin fyrir hugmyndum og óskum frá væntanlegum þátttakendum.

** Á kvöldvökunni verður kveðið saman og einstaklingar og hópar verða með skemmtiefni, auk þess sem Bára og Chris koma fram. Boðið verður upp á einfalt og gott í matinn, svo sem íslenska kjötsúpu í aðalrétt og kaffi og pönnukökur með sultu og rjóma í eftirrétt. Eftir matinn verður „gömludansaball“ með þjóðlegu ívafi.

 

Kostnaður: Mótshaldarar hafa fengið styrk til að halda þetta mót og eiga von á fleiri styrkjum. Ætlunin er að halda kostnaði til þátttakenda í lágmarki.

 

„Kvæðamannafélög eru starfandi víða um land, fámenn og einangruð. Ég hef trú á því að ef við tökum höndum saman, þá eigum við eftir að fá jákvæða athygli svo að fleiri bætist í hópinn. Þetta mót verður vonandi til þess að efla starfsemina hjá okkur öllum“, segir Magnús Ólafs Hansson.

 

Þjóðlagasetur sr. Bjarna Þorsteinssonar á Siglufirði

 

Skrifa­u athugasemd:


Atbur­adagatal

« Desember 2020 »
S M Ů M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31