Tenglar

fimmtudagur 11. desemberá2008 |

Hˇlakaup ß Reykhˇlum: Alltaf eitthva­ ß tilbo­i

Sannkallaður jólasvipur er kominn á verslunina Hólakaup á Reykhólum. Þar má finna flest það sem þarf í jólaundirbúninginn, auk jólagjafa af ýmsu tagi, ekki síst handa yngstu kynslóðinni. Í tilboðshillunni kennir ýmissa grasa á sérlega góðu verði: „Maður verður alltaf að hafa eitthvað á tilboði", segir Elísabet Ýr Norðdahl, sem tók við rekstri búðarinnar í byrjun nóvember. „Ég reyni að halda verðinu niðri eins og hægt er", segir hún, „en vörurnar hafa hækkað mjög mikið hjá birgjunum að undanförnu, sumt alveg rosalega mikið. Ég fæ hálfgert áfall þegar ég er að reikna þetta út."

 

Þrátt fyrir kreppu í þjóðfélaginu lætur Elísabet vel af viðskiptunum þær sex vikur sem liðnar eru frá því að hún keypti verslunina ásamt manni sínum, Arnóri Hreiðari Ragnarssyni. „Fólk er mjög duglegt að versla hjá okkur", segir hún, og hvetur jafnframt til verslunar í heimabyggð.

 

Flesta daga er Elísabet (mynd nr. 2) við afgreiðslu og önnur störf í búðinni sinni en Rannveig Harðardóttir í Króksfjarðarnesi (mynd nr. 3) leysir hana af öðru hverju. „Það er gott að geta verið heima dag og dag við jólaundirbúninginn og að klára að skrifa jólakortin", segir Elísabet.

 

Og varðandi jólakort - fljótlega verður kominn jólakortakassi í Hólakaup, þar sem fólk getur komið með kortin til sveitunga sinna og jafnframt fengið afhent sín eigin.

 

Opið er í Hólakaupum virka daga kl. 9-18 og laugardaga kl. 10-16.

 

Skrifa­u athugasemd:


Atbur­adagatal

« Nˇvember 2020 »
S M Ů M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30