Tenglar

laugardagur 13. desemberá2008 |

Hßhra­atengingar Ý dreifbřli vŠntanlega slegnar af

Dreifbřlisfˇlk ver­ur enn um sinn a­ sŠtta sig vi­ ˙relta tŠkni.
Dreifbřlisfˇlk ver­ur enn um sinn a­ sŠtta sig vi­ ˙relta tŠkni.

Svo virðist sem hinn gríðarlegi niðurskurður sem gert er ráð fyrir í tillögum til breytinga á fjárlagafrumvarpi fyrir árið 2009 snerti íbúa Reykhólahrepps lítið með beinum hætti nema í einu tilviki. Gert var ráð fyrir 410 milljón króna framlagi til Fjarskiptasjóðs auk 90 milljón króna sértekna á næsta ári. Samkvæmt tillögunum fellur þessi liður niður, „þannig að líklega er úti um háhraðanettengingar í dreifbýlinu, ef rétt er skilið", segir Jón Jónsson á Kirkjubóli á Strandavefnum. Hugsanlegt er jafnframt að fyrirhuguð lækkun á framlagi til niðurgreiðslu á upphitun íbúðarhúsnæðis geti haft einhver áhrif.

 

Lagðar eru til breytingar varðandi fjárframlög til einnar stofnunar í Reykhólahreppi. Það er ein af sárafáum undantekningum frá þeirri meginreglu, að framlög lækki frá því sem gert var ráð fyrir í upphaflegu frumvarpi í október. Lagt er til að framlag vegna hjúkrunarrýma á dvalarheimilinu Barmahlíð á Reykhólum hækki úr 97 milljónum í 97,9 milljónir en framlag vegna dvalarrýma lækki úr 6,4 milljónum í 6,1 milljón. Hækkun samtals umfram lækkun á þessum liðum er því 600 þúsund krónur.

 

Breytingatillögurnar má lesa hér en umsagnir þingnefnda ásamt skýringum við einstaka liði breytingatillagnanna má lesa hér (pfd-skjöl).

 

Þess ber að geta, að breytingartillögurnar hafa ekki enn farið gegnum þriðju umræðu á Alþingi og má e.t.v. búast við einhverjum breytingum á þeim, þó væntanlega smávægilegum, áður en fjárlög fyrir næsta ár verða afgreidd.

 

Skrifa­u athugasemd:


Atbur­adagatal

« Oktˇber 2021 »
S M Ů M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31