Tenglar

mi­vikudagur 22. j˙nÝá2011 |

G÷ngudagarnir Ý Reykhˇlahreppi a­ hefjast

Breytingar hafa verið gerðar á fyrirhuguðum leiðum í tveimur ferðum á göngudögunum í Reykhólahreppi núna dagana 23.-26. júní (frá fimmtudegi til sunnudags). Annars vegar er það gangan sem átti að vera um Skálaneshraun á föstudag, en þar er nú vegarlagning í fullum gangi og lítill friður fyrir vélaskrölti og sprengingum. Sú ganga verður að vísu á Skálanesi en genginn verður gamall baggahestavegur. Hins vegar er það barnagangan á morgun. Ætlunin var að ganga upp á Grundarfjall en þess í stað hefur verið ákveðið að ganga upp með Heyá að Heyárfossi. Skrá um göngurnar ásamt leiðalýsingum er hér fyrir neðan.
 
Fólk er minnt á að skrá sig í göngurnar (og hjólaferðina) í netfanginu info@reykholar.is eða í síma 894 1011. Síðasti skráningardagur er á morgun. Skrá um göngurnar ásamt leiðalýsingum er hér fyrir neðan. Bent skal á sérkennilegt tækifæri til þess að fara frítt í gönguna um baggahestaveginn. Í Hólakaupum á Reykhólum verður tilboð á völdum drykkjum í tilefni af gönguhelginni. Sjá fleiri fríðindi hér neðst.

 

 

Gengið um sveit - Reykhólahrepp

 

 

Fimmtudagur 23. júní

 

Barnaganga að Heyárfossi

Fararstjóri Harpa Eiríksdóttir.

Mæting við Upplýsingamiðstöðina á Reykhólum kl. 18. Þaðan er ekið út að Heyá milli Höllustaða og Skerðingsstaða og gengið upp með henni. Endilega taka með sér gúmmístígvélin þar sem tími verður til að vaða aðeins í ánni og leika sér. Gott að hafa með sér létt nesti. Gangan mun taka 2-3 tíma.

 

Jónsmessuganga á Vaðalfjöll

Leiðsögumaður Gauti Eiríksson.

Mæting við Hótel Bjarkalund kl. 22.45. Fólk fer á eigin bílum áleiðis upp að Vaðalfjöllunum. Vegurinn upp eftir er vel jeppafær. Síðan er gengið að Vaðalfjöllunum og upp. Þaðan er einstaklega gott útsýni. Áætlað að vera þar um miðnættið. Leiðin upp á sjálf Vaðalfjöllin er frekar brött en þó er ekki um klifur að ræða. Fólk fer síðan heim þegar því hentar.

 

 

Föstudagur 24. júní

 

Gufudalsháls

Leiðsögumaður Þröstur Reynisson.

Mæting við Neðri-Gufudal kl. 10. Þar er sameinast í bíla og ekið að Galtará við Kollafjörð. Þaðan er gengin gamla gatan yfir Gufudalshálsinn og komið niður í Gufudal. Áætluð lok um kl. 14. Vegalengd 4-5 km. Hækkun rúmir 300 m.

 

Baggahestavegurinn á Skálanesi

Leiðsögumaður Þröstur Reynisson.

Mæting við Gufudalskirkju kl. 15. Þaðan er ekið að Maríutröð, gömlu akurgerði Gufudalskirkju, og þaðan genginn gamli heybandsvegurinn að Skálanesi og aftur sömu leið til baka. Heybandsvegurinn er ævaforn gata sem varð til vegna engjaheyskapar í mýrablettum til fjalla eins og tíðkaðist víða forðum. Gatan hvarf á kaf í skóg fyrir fjölda ára. Hún var nýlega leituð uppi og klippt upp úr kjarrinu innan við Kraká, um tvo km sunnan við bæinn á Skálanesi. Þar er skjólsælt og fallegt. Gengin vegalengd verður 4-5 km og hækkun um 150 m á baggahestavegi. Göngufólk sem hefur með sér orf eða ljá eða hrífu eða baggahest fær frítt í gönguna.

 

Óvissuganga um Geiradal

Leiðsögumaður Sveinn Ragnarsson.

Mæting kl. 18 við gamla kaupfélagshúsið í Króksfjarðarnesi. Gangan mun taka 2-3 tíma. Á eftir er síðan stefnt á ríkulegt fiskihlaðborð og varðeld í Bjarkalundi.

 

 

Laugardagur 25. júní

 

Hofsstaðir - Laugaland - Staður

Leiðsögumaður Gauti Eiríksson.

Lagt af stað kl. 10 frá Hofsstöðum. Afleggjarinn að Hofsstöðum er rétt vestan við Bjarkalund. Frá Hofsstöðum verður farið gangandi út með Þorskafirðinum. Þegar í Laugaland er komið verður boðið upp á kjötsúpu sem er innifalin í fullu verði á ferðinni (það þarf að taka fram þegar fólk skráir sig í gönguna hvort það vilji kjötsúpu eða ekki). Leiðsögn lýkur við kirkjuna á Stað. Áætluð lok um kl. 16. Þetta er létt ganga og hæðaraukning mjög lítil. Farið verður frekar hægt yfir og stoppin mörg. Því ætti þetta að vera ferð sem hentar flestum. Vegalengdir: Hofsstaðir - Laugaland um 10 km. Laugaland - Staður um 5 km. Heildarvegalengd rúmir 15 km.

 

Borgarland

Leiðsögumaður Þröstur Reynisson.

Mæting kl. 18 við reiðvöllinn á leiðinni út að Borg. Gangan tekur 2-3 tíma. Gengið verður um Borgarlandið og út að Bjartmarssteini.

 

 

Sunnudagur 26. júní

 

Hjólreiðaferð fyrir Gilsfjörð

Leiðsögumaður Gauti Eiríksson.

Lagt af stað kl. 12 frá Vogalandi í Króksfjarðarnesi. Hjólað verður fyrir Gilsfjörð og svo yfir Gilsfjarðarbrúna til baka í Króksfjarðarnes. Hjólað er á malarvegi fyrir fjörðinn og á malbiki yfir fjörðinn. Hægt verður að fylgja hópnum á bílum og í raun má hjóla hvaða hluta leiðarinnar sem menn kjósa. Nokkrar brekkur eru á leiðinni en þær eru frekar stuttar og ekki mjög brattar. Nestisstopp verða á leiðinni. Áætluð lok um kl. 16. Heildarvegalengd um 31 km.

 

Hægt er að kaupa helgarpakka og fjölskyldupakka með öllum göngunum inniföldum og 50% afslætti í sund á svæðinu, í þaraböð og á sýningu Bátaverndar og hlunnindanytja. Sami afsláttur verður fyrir þá sem skrá sig í tvær stuttar göngur eða í löngu kjötsúpugönguna á laugardeginum. Verslunin Hólakaup á Reykhólum verður með tilboð á völdum drykkjum í tilefni af gönguhelginni.

 

Skrifa­u athugasemd:


Atbur­adagatal

« Oktˇber 2021 »
S M Ů M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31