Tenglar

■ri­judagur 28. desemberá2010 | Hlynur ١r Magn˙sson

FˇlksfŠkkun ß Vestfjar­akjßlkanum r˙m 11% ß ßratug

Vestfirðingum fækkaði um rúm 11% síðasta áratuginn. Mest var fækkunin í Vesturbyggð, í Tálknafjarðarhreppi og í Árneshreppi, en í þessum sveitarfélögum hefur fækkað um næstum fimmtung á undanförnum tíu árum. Þessi sveitarfélög eiga það sameiginlegt að búa við hvað erfiðastar samgöngur á landinu. Þetta kemur fram í greinargerð Byggðastofnunar um helstu breytingar á íbúafjölda sveitarfélaga og landsvæða, annars vegar fyrir síðastliðið ár eða frá 1. desember 2009, og hins vegar fyrir áratuginn frá 1. desember 2001 til 1. desember 2010.

 

Fólki á Vestfjarðakjálkanum hefur fækkað um rúmlega 3% frá árinu 2009. Íbúum fjölgaði í þremur sveitarfélögum en aðeins um tvo til sjö íbúa. Í Bolungarvík fækkaði um 81 íbúa (-8,4%), eins og á Ísafirði (-2,1%), í Vesturbyggð fækkar um 47 íbúa (-5,0%), í Reykhólahreppi um 14 (-4,8%) og í Súðavíkurhreppi um 11 (5,4%).

 

„Líklegt er að verulegur hluti fækkunar á Bolungarvík sé vegna loka jarðgangaframkvæmda og brottflutnings starfsmanna sem fluttust þangað vegna þeirra framkvæmda. Athygli vekur að minni hreyfing virðist vera á fólki á Ströndum en annars staðar á Vestfjörðum á árinu 2010. Á síðastliðnum 10 árum hefur íbúaþróun á Vestfjörðum verið með allt öðrum og neikvæðari hætti en á landinu í heild. Þannig hefur íbúum fækkað öll árin ef undan er skilið árið 2008 er þeim fjölgaði um 0,9%,“ segir í greinargerð Byggðastofnunar.

 

- Byggt á samantekt á fréttavefnum bb.is á Ísafirði.

 

Sjá einnig:

27.12.2009  Hlutfallslega fjölgar mest í Reykhólahreppi

22.12.2008  Fólki fjölgar í Reykhólahreppi og á Reykhólum

 

Skrifa­u athugasemd:


Atbur­adagatal

« ┴g˙st 2017 »
S M Ů M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31