Tenglar

f÷studagur 5. septemberá2008 | Hlynur ١r Magn˙sson

Fjˇr­ungs■ingi­ ß Reykhˇlum Ý dag og ß morgun

Fjórðungsþing Vestfirðinga verður haldið á Reykhólum í dag og á morgun. Meðal viðfangsefna þingsins í dag má nefna ýmsa þætti orkumála, svo sem orkuflutningskerfi Vestfjarða, stöðu og framtíðarsýn Orkubús Vestfjarða, virkjunarkosti á Vestfjörðum og nýja orkugjafa á Vestfjörðum. Einnig verður staða svæðisskipulags Vestfjarða kynnt. Á morgun verður m.a. gerð grein fyrir starfi Markaðsstofu Vestfjarða, Atvinnuþróunarfélags Vestfjarða og Menningarráðs Vestfjarða og fastanefnd Fjórðungssambandsins um samgöngumál leggur fram skýrslu sína. Fjallað verður ítarlega um stefnumótun í samgöngumálum.

 

Þingstörfin fara fram í húsakynnum Grunnskóla Reykhólahrepps og í íþróttahúsinu. Meðal gesta þingsins verða Sturla Böðvarsson, forseti Alþingis og fyrsti þingmaður Norðvesturkjördæmis, Kristján L. Möller, ráðherra samgöngu- og sveitarstjórnarmála, og Halldór Halldórsson, bæjarstjóri Ísafjarðarbæjar og formaður stjórnar Sambands íslenskra sveitarfélaga.

 

Fjórðungsþing Vestfirðinga er nú haldið í 53. skipti. Þetta er í annað sinn sem Fjórðungsþingið er haldið á Reykhólum, en áður var það haldið hér árið 2001. Aftur á móti voru þingin haldin alls átta sinnum í Bjarkalundi á árunum 1951-1970, en þá voru þau oftast haldin aðeins annað hvert ár. Árið 1978 var þingið haldið í Króksfjarðarnesi.

 

Fjórðungssamband Vestfirðinga er bandalag sveitarfélaga á Vestfjörðum, sameiginlegur vettvangur þeirra og málsvari. Hér er um frjáls samtök að ræða en ekki lögbundin. Tilgangur sambandsins er að vinna að hagsmunum vestfirskra sveitarfélaga og alls Vestfirðingafjórðungs. Sambandið fylgist náið með og beitir sér í málefnum sveitarfélaga, hvar sem þau kunna að vera til umfjöllunar, ekki síst á Alþingi, í ráðuneytum og ríkisstofnunum, eins og segir á vef þess.

 

Dagskrá 53. Fjórðungsþings Vestfirðinga 2008

 

Skrifa­u athugasemd:


Atbur­adagatal

« Nˇvember 2017 »
S M Ů M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30