Tenglar

■ri­judagur 26. ßg˙stá2008 |

Fj÷lbreytt dagskrß ß Reykhˇladeginum ß laugardag

Írn ┴rnason. Mynd: leikhusid.is
Írn ┴rnason. Mynd: leikhusid.is

Reykhóladagurinn verður núna á laugardaginn, 30. ágúst, og verður dagskráin með hefðbundnu sniði. Þar á fjölskyldan öll að geta fundið eitthvað við sitt hæfi og notið dagsins saman. Eitthvað verður um að vera allan tímann frá því fyrir hádegi og fram á nótt. Sérstaka athygli vekur að sjálfur Örn Árnason leikari mætir og annast veislustjórn um kvöldið. Dagskráin verður annars á þessa leið:

 

11.00 - ca. 13.00 Kílonsvatn

Gönguferð að Kílonsvatni. Mæting er við afleggjarann heim að Hafrafelli. Gangan er frekar auðveld og ætti því að henta vel öllum aldurshópum (erfiðleikastig einn gönguskór). Björn Samúelsson annast leiðsögn.

 

14.00 - 16.00 Hlunnindasýningin og Bátasafn Breiðafjarðar

Hlunnindasýningin og bátasýningin verða opnar.

Ljósmyndasýning, ýmsar myndir úr Reykhólahreppi.

Lionsfélagar munu selja kaffi, kakó og vöfflur með rjóma.

Fornbíla- og dráttarvélasýning. Boðið verður upp á ferð um þorpið í gömlum heyvagni.

Hoppukastalar fyrir börnin.

Ýmis hagsmunafélög á svæðinu verða með sölubása.

 

Grettislaug er opin og frítt er í sund allan daginn.

 

16.00 - 16.50 Barnaskemmtun

Gosi og kisa úr leikritinu um Gosa koma í heimsókn og skemmta börnunum. Barnaskemmtunin verður í gamla íþróttasalnum í Reykhólaskóla.

 

17.00 Gönguferð um Reykhóla

Mæting við kirkjuna. Farið verður í létta gönguferð og áhugaverðir staðir skoðaðir undir leiðsögn Björns Samúelssonar.

 

20.00 - 03.00 Matur - skemmtun - ball

Á matseðli kvöldsins verður grillað lamba- og hrefnukjöt. Auk þess smá kræklingasmakk. Í desert verður boðið upp á súkkulaðiköku með rjóma og berjum. Í boði verður ís fyrir börnin. Veislustjóri Örn Árnason.

Að lokum mun hljómsveitin Karma sjá um að halda uppi fjörinu fram eftir nóttu.

Verð fyrir fullorðna fyrir mat, skemmtun og ball er kr. 3.000.

Fyrir börn 12-15 ára kr. 1.500 kr en frítt fyrir 11 ára og yngri.

 

Vinsamlegast pantið tímanlega í matinn, í síðasta lagi á hádegi föstudaginn 29. ágúst. Borðapantanir í síma 894 9123 (Rebekka) og 861 3761 (Kolfinna).

 

Undirbúningshópurinn vonast til að sjá sem flesta hressa og káta.

 

Undirbúningur fyrir Reykhóladaginn á næsta ári mun hefjast á haustdögum. Áhugasamir eru beðnir að hafa samband við skrifstofu Reykhólahrepps.

 

Skrifa­u athugasemd:


Atbur­adagatal

« AprÝl 2021 »
S M Ů M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30