Tenglar

■ri­judagur 26. aprÝlá2016 | Hlynur ١r Magn˙sson

Fermingin Ý Sta­arkirkju: Myndir og frˇ­leikur

Védís Fríða Kristjánsdóttir á Stað á Reykjanesi í Reykhólasveit fermdist á sunnudaginn í gömlu fallegu kirkjunni heima. Foreldrar hennar eru Rebekka Eiríksdóttir og Kristján Þór Ebenezersson, sem búa félagsbúi á Stað ásamt foreldrum Rebekku, þeim Sigfríði Magnúsdóttur og Eiríki Snæbjörnssyni. Védís Fríða á eina systur, Anítu Hönnu, sem er tæpum þremur árum yngri.

 

Án þess að hér verði farið náið í ættfræði, þá mætti ef til vill segja ofurlítil deili á fólki.

 

Langalangafi systranna Védísar Fríðu og Anítu Hönnu var prestssonur úr Borgarfirði, séra Jón Þorvaldsson, sem vígðist að Stað árið 1903 og kvæntist sama ár Ólínu dóttur Snæbjarnar í Hergilsey á Breiðafirði, þess þjóðfræga manns. Afkomendur þeirra hafa síðan búið á Stað mann fram af manni, þannig að á óðalinu gamalfræga við Breiðafjörðinn hafa kynslóðir sömu ættar búið á aðra öld.

 

Í föðurættina eiga fermingarstúlkan á Stað og systir hennar rætur á öðru fornfrægu höfuðbóli í Reykhólasveit. Langafi þeirra og langamma voru skólastjórahjónin Jens Guðmundsson og Jóhanna Ebenezersdóttir á Reykhólum.

 

Kirkjan á Stað á Reykjanesi var vígð árið 1864 eða fyrir liðlega hálfri annarri öld. Gamla kirkjan á Reykhólum, sem núna er á Rauðasandi við norðanverðan Breiðafjörð og gegnir þar sínu hlutverki, var vígð átta árum fyrr.

 

Athöfnina í Staðarkirkju á sunnudag annaðist sr. Hildur Björk Hörpudóttir sóknarprestur. Myndirnar sem hér fylgja tók Gauti Eiríksson, móðurbróðir fermingarstúlkunnar. Þær tala sínu máli að mestu sjálfar og verða engir textar hafðir með þeim.

 

Sjá einnig gamlan fróðleik: Fegurð við Breiðafjörð og heimsókn á Stað

 

Skrifa­u athugasemd:


Atbur­adagatal

« September 2017 »
S M Ů M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30