Tenglar

mi­vikudagur 9. marsá2016 | Hlynur ١r Magn˙sson

Fer­amßlafundur ß HˇlmavÝk

Ferðamálastofa býður til funda vegna Þróunarverkefnis um endurskoðun upplýsingaveitu til ferðamanna (sjá dagskrá hér neðst). Einn þessara funda verður á Hólmavík á laugardag. Verkefnið er á forræði Ferðamálastofu og verkefnisstjóri þess Hrafnhildur Ýr Víglundsdóttir, verkefnastjóri svæðisbundinnar þróunar. Verkefni þetta er unnið samkvæmt nýjum vegvísi og eru markmið þess:

  • Að tryggja að bestu og nákvæmustu upplýsingar hvað varðar öryggi ferðamanna séu þeim alltaf aðgengilegar allt árið um kring um allt land.
  • Að tryggja gæðastarf upplýsingaveitu á landsvísu.
  • Að finna nýjar tæknilausnir sem nýta má utan eiginlegra upplýsingamiðstöðva.
  • Að nýta og styðja við það stoðkerfi gestastofa, safna og annarra opinberra eininga sem fyrir er um allt land.
  • Að nýta það fjármagn sem málaflokkurinn fær á sem hagkvæmastan en jafnframt árangursríkastan hátt.

 

Fundur verður haldinn á Galdrasafninu á Hólmavík mánudaginn 14. mars kl. 12 (tveir til þrír tímar). Súpa í boði Ferðamálastofu.

 

„Við hvetjum sem flesta til að mæta og taka þátt í umræðunum um framtíðarskipan upplýsingaveitu í landshlutanum. Vinsamlegast sendið fundarboðið áfram á þá sem áhuga gætu haft á að sitja fundinn,“ segir í tilkynningu frá Hrafnhildi Ýri.

 

Þátttaka skal tilkynnt í netfangið hrafnhildur@ferdamalastofa.is fyrir kl. 13 föstudaginn 11. mars.

 

Dagskrá:

  • Kynning á Þróunarverkefni um endurskoðun upplýsingaveitu.
  • Kynning á niðurstöðum fyrsta fundar sem haldinn var með forsvarsmönnum landshlutamiðstöðva, Umhverfisstofnunar og þjóðgarða í byrjun desember.
  • Kynning á niðurstöðum kostnaðargreiningar á upplýsingaveitu opinberra aðila á landsvísu og eftir landshlutum.
  • Hópavinna og umræður – framtíðarskipan upplýsingaveitu í landshlutanum.
  • Næstu skref (skipan vinnuhópa og fleira).

 

Skrifa­u athugasemd:


Atbur­adagatal

« September 2017 »
S M Ů M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30