Tenglar

fimmtudagur 12. nˇvemberá2009 |

Endurvakin Skrugga Ý kvennagreipum

Leikfélagið Skrugga í Reykhólahreppi var endurvakið núna í haust en félag með sama nafni starfaði í héraðinu á árum áður. Formaður hinnar nýju Skruggu er Sólveig Sigríður Magnúsdóttir, líklega betur þekkt sem Solla Magg. Með henni í stjórn eru Ingibjörg Þór og Björk Stefánsdóttir en varamenn eru sr. Elína Hrund Kristjánsdóttir og Andrea Björnsdóttir. Eins og ráða mætti af skipan stjórnar eru konur í miklum meirihluta í hinu nývakta leikfélagi. Á stofnfundinn komu fjórtán manns, þrettán konur og einn karl, en það var Gústaf Jökull Ólafsson, oddviti Reykhólahrepps. Síðan hafa fimm manns bæst í félagið, þar af tveir karlar, þannig að nú eru nítján manns í Skruggu.

 

Að sögn Sollu Magg hafa drög verið lögð að starfi félagsins á næstunni. Hinn 16. desember er ætlunin að vera með sérstakan dag fyrir börnin í húsnæði Hlunnindasýningarinnar á Reykhólum. Fyrirhugað er að trúbadorinn Hörður Torfason komi á næstunni og haldi tónleika. Áformaðar eru óvæntar uppákomur núna í nóvember og desember en ekki er gefið upp fyrirfram hvað þar verður á ferðinni. Eftir áramótin er síðan ætlunin að setja upp leiksýningu en ekki er búið að ákveða hvaða leikverk það verður.

 

Vel væri þegið að fá upplýsingar um Skruggu hina fyrri í athugasemdadálkinum hér fyrir neðan eða í netpósti.

 

Athugasemdir

Jˇhanna FrÝ­a Dalkvist, f÷studagur 13 nˇvember kl: 08:36

HŠ hŠ, flott a­ heyra ■etta.
Mamma var Ý Skruggu hinni fyrri, ■ˇ Úg muni ekkert miki­ eftir sřningunum, Úg man ■ˇ eftir einni ■ar sem a­ mig minnir Tˇti Ý Hˇlum var kominn upp ß skßp.
Mamma ß myndir frß sřningum, svo h˙n gŠti ÷rugglega sagt ykkur eitthva­ skemmtilegt :)

Skrifa­u athugasemd:


Atbur­adagatal

« AprÝl 2021 »
S M Ů M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30