Tenglar

fimmtudagur 18. febr˙ará2021 | Sveinn Ragnarsson

EndurbŠtur ß Reykhˇlah÷fn

Reykhˇlah÷fn ß sumarkv÷ldi mynd SR
Reykhˇlah÷fn ß sumarkv÷ldi mynd SR
1 af 9

Núna á dögunum var kveikt á nýjum stefnuvita á sjóvarnagarðinum við höfnina á Reykhólum. Stefnuvitinn er til leiðbeiningar um staðsetningu skipa í innsiglingarrennu að höfninni. Hann virkar í stuttu máli þannig að 3 ljós eru á vitanum, rautt, hvítt og grænt, ef eingöngu hvíta ljósið er sýnilegt, eru sjófarendur á réttum stað í rennunni.

 

Einnig var sett hliðarmerki austan við enda innsiglingarrennunnar fjær höfninni, sem er grænn staur eða bauja með ljósmerki.

Á framkvæmdaáætlun siglingasviðs Vegagerðarinnar 2021 – 2024 er endurbygging og stækkun stálþilsbryggjunnar. Stækkunin er lenging á viðlegukanti til SV, þannig að bryggjan sem er eins og L í laginu verður T laga.

 

Bætir það umtalsvert aðstöðu fyrir stærri flutningaskip, en erfiðleikar hafa stundum verið með þau við bryggjuna, ekki síst í hvassviðri vegna þess að þau eru lengri en viðlegukanturinn.  Stefnt er að því að bjóða verkið út á þessu ári og ættu framkvæmdir að geta hafist í upphafi næsta árs.

 

Undirbúningur er raunar hafinn, verið er að jafna botninn og grafa skurð þar sem viðbótin á bryggjuna kemur. Svo heppilega vildi til að dýpkunarprammi frá Hagtaki Hf. sem notaður var við að hreinsa innsiglingarrennuna í fyrrasumar, var geymdur við bryggju á Reykhólum í vetur og því til taks í þetta verkefni. Til gamans má geta þess að prammastjórinn, Gunnar Oddur Halldórsson er ættaður frá Ingunnarstöðum og hefur mikið verið hér í sveit, á unglingsárum í sveit á Kambi og síðar við vinnu á þungavinnuvélum.

Flestar myndirnar tók Finnur Árnason um borð í Gretti, þegar menn frá vegagerðinni voru að stilla og ganga frá innsiglingarmerkjunum.

 

Skrifa­u athugasemd:


Atbur­adagatal

« Febr˙ar 2021 »
S M Ů M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28