Tenglar

mßnudagur 30. j˙nÝá2008 |

Brei­fir­ingar ■ref÷ldu­u fˇlksfj÷ldann ß Reykhˇlum

Mannfjöldinn á Reykhólum þrefaldaðist um helgina þegar félagsfólk í Breiðfirðingafélaginu syðra kom í heimsókn. Íbúar í Reykhólaþorpi töldust 128 í ársbyrjun skv. tölum Hagstofunnar en rétt um 250 manns voru í sumarferð Breiðfirðinga. Mannskapurinn lagði að mestu undir sig túnið milli skólans og kirkjunnar með húsbílum, hjólhýsum, tjaldvögnum og tjöldum eins og sést á myndinni (smellið á til að stækka) en auk þess var heimavist Reykhólaskóla fullskipuð og allar skólastofur undirlagðar fyrir svefnpokapláss.

 

Formaður Breiðfirðingafélagsins, Snæbjörn Kristjánsson frá Breiðalæk á Barðaströnd, segir að ferðin hafi heppnast í alla staði vel og allir sem hann hafi talað við hafi látið mjög vel af aðstöðunni á Reykhólum. Veður hefði að vísu mátt vera öllu hlýlegra fyrir útivist og skoðunarferðir en samveran var það sem mestu skipti. Fólk kom á eigin bílum og nestaði sig sjálft nema hvað efnt var til sameiginlegrar grillveislu á laugardagskvöldið áður en dansað var í íþróttahúsinu nýja fram á nótt.

 

Bílar og fólk byrjuðu að streyma að Reykhólum á föstudag en sumir komu ekki fyrr en síðdegis á laugardag til að taka þátt í grillveislunni og dansleiknum. Á sunnudag var mannskapurinn síðan að tínast í burtu fram eftir öllum degi. Myndin var tekin á laugardagskvöldið þegar ilminn af grillmat lagði um plássið. Þá mátti sjá þungbúin ský og rigningu í norðaustri ásamt regnboga (ber yfir skólann) en veður hélst að mestu þurrt á Reykhólum um helgina.

 

Vefur Breiðfirðingafélagsins

 

Skrifa­u athugasemd:


Atbur­adagatal

« ┴g˙st 2020 »
S M Ů M F F L
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31