Tenglar

fimmtudagur 16. aprÝlá2009 |

äB÷rn og fer­al÷gô ß a­alfundi Fer­amßlasamtakanna

Málþing undir heitinu Börn og ferðalög verður haldið í tengslum við aðalfund Ferðamálasamtaka Vestfjarða, sem haldinn verður á Drangsnesi við Steingrímsfjörð um helgina. Fundurinn hefst annað kvöld, föstudagskvöld, og verður margt í boði til fróðleiks og skemmtunar fyrir utan „venjuleg aðalfundarstörf". Dagskrána má sækja hér (pdf-skjal). Aðalfundir samtakanna færast hverju sinni milli svæða innan Vestfjarðakjálkans og var fundurinn haldinn á Reykhólum á síðasta ári. Drangsnes varð fyrir valinu á Ströndum að þessu sinni vegna sérstaklega mikils dugnaðar við uppbyggingu ferðaþjónustu þar undanfarin ár, segir á vef Ferðamálasamtaka Vestfjarða.

 

Dagskrá málþingsins Börn og ferðalög er metnaðarfull. Þar fjalla sex fyrirlesarar víðs vegar að um börn og ferðaþjónustu á Íslandi frá mörgum sjónarhornum.

 

Ferðaþjónar á Vestfjörðum og aðrir sem áhuga hafa fyrir uppbyggingu greinarinnar eru hvattir til að fjölmenna á fundinn og taka þátt í dagskránni og þeim viðburðum sem verða í boði á Drangsnesi yfir helgina, hvort sem þeir eru félagar í Ferðamálasamtökunum eða ekki. Atkvæðisrétt á aðalfundinum hafa hins vegar einungis fullgildir og skuldlausir félagar.

 

Allar frekari upplýsingar fást hjá Sigurði Atlasyni í síma 897 6525 eða netfanginu arnkatla2008@strandir.is.

 

Vefur Ferðamálasamtaka Vestfjarða

 

Skrifa­u athugasemd:


Atbur­adagatal

« Desember 2020 »
S M Ů M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31