Tenglar

mi­vikudagur 12. nˇvemberá2014 | vefstjori@reykholar.is

Bˇkmennta- og ljˇ­avika Ý Strandabygg­ ľ dagskrßin

Frß HˇlmavÝk. Ljˇsm. Jˇn Halldˇrsson.
Frß HˇlmavÝk. Ljˇsm. Jˇn Halldˇrsson.

Hólmavík breytist í Bókavík vikuna 17.-23. nóvember, þegar haldin verður Bókmennta- og ljóðavika á Ströndum. Hugmyndina að hátíðinni fengu nokkrir unglingar í Strandabyggð, en tilgangurinn er að fagna ljóðum og bókmenntum. Dagskráin fer hér á eftir og geta þar allir aldurshópar fundið eitthvað við sitt hæfi. Allir eru viðburðirnir gjaldfrjálsir nema annað komi fram.

 

Myndin er fengin af ljósmyndavef Jóns Halldórssonar á Hólmavík.

 

 

Mánudagurinn 17. nóvember

  • Leikskóli   Bókadagur hjá yngstu íbúunum.
  • Grunnskóli   Yndislestur í 10 mínútur í upphafi dags.
  • Sundlaug   Hljóðbók í pottinum fyrir alla aldurshópa. Kl. 17-18.
  • Bókasafn   Hvað á ég að lesa? Nokkrir segja frá sínum uppáhaldsbókum og gefa þér hugmyndir að lestri vikunnar. Kl. 19.30.
  • Leikfélagið   Opinn samlestur á leikritum í Grunnskólanum kl. 18.
  • Fjósið, ungmennahús   Bókahringur fyrir alla, sérstaklega þá sem lesa lítið. Kl. 20-23.
  • Sauðfjársetur   „Með hálfum huga ýti ég flekanum mínum úr vör“ – upplestur og fróðleikur um ritstörf Guðbjargar á Broddanesi. Kvöldkaffi kl. 21-22, vöffluhlaðborð og kakó. Verð kr. 1.000 fyrir 13 ára og eldri, kr. 600 fyrir yngri.

 

Þriðjudagurinn 18. nóvember

  • Grunnskóli   Yndislestur í 10 mínútur í upphafi dags.
  • Sundlaug   Hljóðbók í pottinum fyrir alla aldurshópa. Kl. 17-18.
  • Bókasafn   Opinn hljóðnemi kl. 19.30. Áhugasömum gefst kostur á að lesa upp eigin ljóð og sögur og hlýða á aðra.
  • Ozon   Lestrarhestaþema. Opið fyrir alla kl. 20, bókakaffihús og upplestur.

 

Miðvikudagurinn 19. nóvember

  • Leikskóli   Upplestur í leikskólanum kl. 10, opið fyrir alla.
  • Grunnskóli   Yndislestur í 10 mínútur. Opið hús í skólanum kl. 13-14 þar sem nemendur kynna afrakstur ljóða- og bókmenntavinnu.
  • Gunna fótalausa   Gengið á milli ljósastaura og lesið það sem þeir hafa fram að færa. Lagt af stað frá Þróunarsetrinu kl. 12.05.
  • Félag eldri borgara   Upplestur á Sjúkrahúsinu kl. 14.
  • Sundlaug   Hljóðbók í pottinum fyrir alla aldurshópa. Kl. 17-18.
  • Bókasafn   Bókaspa og bókajóga með Röbbu kl. 19.30.
  • Leikfélagið   Dagskrá á Kaffi Galdri um Stein Steinar kl. 20.

 

Skilafrestur á ljóðum og smásögum! - tomstundafulltrui@strandabyggd.is

► Sjá nánar hér

 

 

Fimmtudagurinn 20. nóvember

  • Grunnskóli   Yndislestur í 10 mínútur.
  • Sundlaug   Hljóðbók í pottinum fyrir alla aldurshópa. Kl. 17-18.
  • Bókasafn   Upplestur frá Félagi eldri borgara. Kl. 19.30.
  • Fjósið, ungmennahús   Sýnd verður bíómynd byggð á bók. Kl. 20.
  • Kaffi Galdur   Andri Snær Magnason sér um kvöldvöku og Íris Björg spilar vel valin lög eftir enn betur valin ljóðskáld! Kl. 20.

 

Föstudagurinn 21. nóvember

  • Grunnskóli   Yndislestur í 10 mínútur. Andri Snær Magnason kemur í heimsókn.
  • Leikskólinn   Ljóðaupplestur með brúðum kl. 10, öll velkomin.
  • Sauðfjársetur   Leikfélag Hólmavíkur sýnir gamandramað sMaL eftir Arnar Snæberg Jónsson. Húsið opnað 19.30 og kl. 20 verður súpa á boðstólum og sagðar gamansögur af leiksviðinu. Að því loknu verður einþáttungurinn sMaL sýndur, en hann var frumsýndur í sviðaveislunni á dögunum. Kaffi á eftir. Aðgangseyrir kr. 2.000 fyrir 13 ára og eldri, kr. 1.000 fyrir yngri.

 

Laugardagurinn 22. nóvember

  • Gunna fótalausa / Dreifnám FNV á Hólmavík   „Það er engin þörf að kvarta, þegar blessuð sólin skín“. Ganga um söguslóðir á Hólmavík. Gengið frá Hafnarbraut 7 (Hólmakaffi) kl. 13. Áð við minnismerkið um skáldið Stefán frá Hvítadal. Gönguferðin krydduð með fróðleik og ljóðum Stefáns.
  • Sundlaug   Hljóðbók í pottinum fyrir alla aldurshópa. Kl. 17-18
  • Auðbók   Kvöldvaka í Kirkjuhvamminum kl. 18. Lesið upp úr Auðbókinni, bókinni sem við höfum sameinast um að skrifa undanfarnar vikur. Kertaljós og boðið upp á kakó og piparkökur. Klæðum okkur eftir veðri og njótum þess að hittast og fögnum samstöðunni sem þessi litla bók myndar!
  • Finna Hótel   Upplestur á vegum Leikfélags Hólmavíkur kl. 20.

 

Sunnudagurinn 23. nóvember

  • Fjósið, ungmennahús   Börnum boðið í heimsókn til að hlusta á sögur sem unga fólkið ætlar að flytja. Kl. 13.
  • Kaffi Galdur   Kaffisala, lokahátíð og verðlaunaafhending. Kl. 15.

 

Allir atburðir eru gjaldfrjálsir nema annað komi fram. Sjáumst á Bókavík!

 

Skrifa­u athugasemd:


Atbur­adagatal

« September 2017 »
S M Ů M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30