Tenglar

f÷studagur 19. febr˙ará2010 |

┴Štlun ger­ um nřtingu strandsvŠ­a Vestfjar­a

Fréttir síðasta misserið um stöðugt vaxandi áhuga á fiskeldi og kræklingarækt í fjörðum vestra hafa kallað á viðbrögð hagsmunaaðila og sveitarfélaga. Á vegum Fjórðungssambands Vestfirðinga hófst á síðasta ári vinna við skrásetningu nýtingar strandsvæðisins og stefnt er að gerð nýtingaráætlunar fyrir sama svæði. Meðal annars hélt sambandið í nóvember fjóra vinnufundi - á Drangsnesi, Reykhólum, Patreksfirði og Ísafirði. Verkefni þetta byggist á samþykktum Fjórðungsþinga síðustu ára og áliti starfshóps sambandsins um gerð svæðisskipulags fyrir Vestfirði.

 

Þetta kemur fram á vef Fjórðungssambands Vestfirðinga. Þar segir enn fremur:

 

Ánægjulegt er fyrir samfélög á Vestfjörðum að áhugi er fyrir atvinnuuppbyggingu á þessu sviði, en um leið er mikilvægt að læra af reynslu annarra þjóða, svo sem Norðmanna og Færeyinga, hvernig best sé staðið að nýtingu strandsvæðisins. Umræða og ákvarðanir í gegnum áratugi hér á Íslandi varðandi fiskveiðistjórnunarkerfið eru hér einnig umhugsunarefni. Telja verður mikilvægt að til staðar verði aðferðafræði sem byggir á forsendum laga, þannig að unnt sé að tryggja réttláta málsmeðferð og vonandi réttláta skiptingu á milli þeirra sem hagnýta svæðið í dag og eða stefna á hagnýtingu þess í nánustu framtíð. Hér er um umfangsmikið verkefni að ræða og sveitarfélög á Vestfjörðum hafa sýnt frumkvæði í að koma því áfram.

 

Fjórðungssamband Vestfirðinga

 

Skrifa­u athugasemd:


Atbur­adagatal

« Nˇvember 2021 »
S M Ů M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30