Anna Greta Ólafsdóttir.

Samþykkt var á fundi hreppsnefndar Reykhólahrepps í kvöld að Anna Greta Ólafsdóttir verði ráðin skólastjóri sameinaðra skóla á Reykhólum, Leikskólans Hólabæjar og Reykhólaskóla. „Ég lauk B.Sc.-gráðu í íþróttafræðum frá Laugarvatni árið 2010 og þaðan fór ég beint í meistaranám í stjórnun á Bifröst. Mín helsta reynsla kemur úr íþróttaheiminum, þar sem ég hef þjálfað fimleika síðastliðin 11 ár. Ég hef fengist við viðburðastjórnun á sviði íþrótta- og menningarmála undanfarin ár,“ segir hún.

„Fækkun íbúa á Vestfjörðum er stærsta ógnin við framtíðarrekstur Orkubús Vestfjarða,“ sagði Kristján Haraldsson orkubússtjóri í ársskýrslu sinni á aðalfundi fyrirtækisins sem haldinn var á föstudag. „Árið 1984 bjuggu um 10.400 á veitusvæði Orkubús Vestfjarða en nú eru íbúar þar um 7.000. Með sama áframhaldi verður enginn íbúi eftir á Vestfjörðum að 50 árum liðnum. Stjórnvöld verða tafarlaust að grípa til aðgerða til að hindra frekari eyðingu byggðar og má þar fyrst nefna bættar samgöngur og jöfnun búsetukostnaðar, “ sagði Kristján.

Karlakórinn Vestri.

Karlakórinn Vestri í Vestur-Barðastrandarsýslu kemur í heimsókn á Reykhóla á morgun, uppstigningardag (fimmtudag 17. maí). Kórinn býður öllum sem áhuga hafa, hvort heldur er fólki í Reykhólahreppi, á Ströndum, í Dalabyggð eða öðrum, á tónleika í íþróttahúsinu á Reykhólum, þannig að aðgangur er ókeypis. Systurnar Maria Jolanta (Mariola) og Elzbieta Anna Kowalczyk hafa frá upphafi annast kórstjórn og undirleik hjá Vestra.

Jens Hansson í Mýrartungu, formaður Björgunarsveitarinnar Heimamanna í Reykhólahreppi, aðstoðaði sjö bíla sem lentu í vandræðum á Klettshálsi í veðuráhlaupinu tvo síðustu daga. Á sunnudag fór hann til aðstoðar við fjóra bíla og þrjá í gær. Fyrri daginn fór hann einn en þann seinni fóru fleiri með honum á sama bílnum.

Grettislaug á Reykhólum verður lokuð vegna árlegs vorviðhalds frá og með miðvikudaginum 16. maí. Stefnt er að því að opnað verði á ný fyrir hvítasunnu, sem er 27. maí. Frá því verður greint nánar þegar dagsetning liggur fyrir.

Hér skal minnt á lagasamkeppnina sem efnt er til í tengslum við Reykhóladagana í sumar. Úrslitin verða í íþróttahúsinu á Reykhólum 15. júní. Lag og texti verða að vera frumsamin og mega ekki hafa verið flutt opinberlega áður. Verðlaun eru kr. 50.000.

Sitt af hverju tagi.

Sr. Baldur Vilhelmsson.

Guðrún Steinþórsdóttir.

« 1 af 3 »

Vestfirska forlagið, sem hefur í áratugi safnað saman og gefið út vestfirskt efni af nánast öllu tagi, hefur nú komið á fót rafbókadeild. Þar geta allir sem fylgjast með þessari vistvænu tækniþróun fengið eldri bækur forlagsins, segir í kynningu frá forlaginu. Þar á meðal verður helsta flaggskip forlagsins, ævisaga sr. Baldurs Vilhelmssonar í Vatnsfirði, sem Hlynur Þór Magnússon færði í letur. Auk þess eru meðal annars fjölmörg rit sem snerta fólk og viðburði í Austur-Barðastrandarsýslu fyrr og síðar.

Dalli við Glæðisgerð.

« 1 af 2 »

„Það hafa orðið miklar breytingar frá því ég byrjaði að markaðssetja Glæði um aldamót,“ segir Guðjón D. Gunnarsson (Dalli) á Reykhólum. „Fyrstu árin seldi ég mest í 25 lítra brúsum til verktaka en salan í litlum brúsum var lítil. Síðustu árin hefur salan í eins lítra og fimm lítra brúsum hins vegar stóraukist. Salan það sem af er þessu ári er að nálgast alla árssöluna í fyrra,“ segir hann.

Gripurinn sem um ræðir.

« 1 af 2 »

Til sölu er Victoria Super Cassotto harmonika (ítölsk), 120 bassa með sjö skiptingum, 13 skiptingar á hægri hendi og þrjár hökuskiptingar. Hún er liðlega tíu kíló að þyngd og hentar varla yngri en þeim sem hafa náð fullum fermingaraldri. „Mikil harmonika og flottur gripur.“

« 1 af 5 »

Dún-heilsuskjólin hennar Dóru frá Hafrafelli í Reykhólasveit (Dóru á Skriðulandi) hafa fengið mjög góðar viðtökur. Fréttin um þau sem hér birtist fyrir tveimur mánuðum er sú mest lesna á vef Reykhólahrepps frá upphafi. Á þeim tíma sem síðan er liðinn hefur Dóra bætt ýmsum tilbrigðum við sama þemað, þannig að úr er orðin heil vörulína. „Já, ég geri þetta allt saman sjálf,“ segir hún, „hanna, sníð og sauma að öllu leyti.“ Heimasíða er í vændum en hægt er að skoða vörunar og panta á Facebook-síðunni Icelandic Eiderdown Design. Og svo má auðvitað hafa samband við Dóru í síma 893 2928.