Ólafsdalur í Gilsfirði er meðal merkustu sögu- og minjastaða við Breiðafjörð. Þar hóf fyrsti bændaskóli landsins starfsemi í júní árið 1880 og var starfræktur til ársins 1907 undir stjórn frumkvöðulsins og hugsjónamannsins Torfa Bjarnasonar og Guðlaugar Zakaríasdóttur. Í Ólafsdal var mikið brautryðjendastarf unnið, ekki síst á verklega sviðinu. Merkar jarðræktarminjar í Ólafsdal frá tímum Ólafsdalsskólans eru enn að mestu óraskaðar og í búnaðarsögulegu tilliti afar merkilegar.

...
Meira

Miklar breytingar hafa átt sér stað í innlendum mjólkuriðnaði á síðustu árum. Nýverið bárust fréttir um að mjólkurlager á Ísafirði hefði verið aflagður og mjólkurvörum nú dreift úr Reykjavík tvisvar í viku. Einnig var staða mjólkurbússtjóra í Búðardal og á Ísafirði lögð niður og sameinuð stöðu mjólkurbústjóra á Egilsstöðum með aðsetur í Reykjavík. Að sögn forstjóra eru breytingarnar í þágu hagræðingar og til að styrkja rekstur minnstu mjólkursamlaganna. Upphaf allra þessara breytinga má rekja til sameiningar flestra mjólkursamlaga landsins í rekstrarfélagið Mjólkursamsöluna ehf.
 

...
Meira

Vegur vestur í Gufudalssveit opnaðist árið 1950. Í tuttugu og fimm ár var sá vegur þannig, að hann lokaðist oft strax þegar fyrst gerði verulega snjóa og var síðan lokaður fram til vors. Kaupfélag Króksfjarðar bjargaði bændum með því að opna verslun á Skálanesi árið 1954. Mjög lítill samgangur var úr Gufudalssveit yfir veturinn, enda oft kaldir og snjóþungir vetur á þeim árum.

...
Meira

Undirritaður lagði fram tillögu um að fela sveitarstjórn að þrýsta á að hafist verði handa að brúa Þorskafjörð milli Kinnarstaða og Þórisstaða, samkvæmt áfanga I og svæðisskipulagi. Tillagan var felld með 9 atkvæðum gegn 5. Nefni hér lítið dæmi um sparnað í skólaakstri hreppsins - og reikni svo hver fyrir sig sem þarna fer um.

...
Meira

Nýlega birtist umfjöllun á heimasíðu bb.is, sem jafnframt birtist á vef Reykhólahrepps, um ferðakostnað atvest í minni tíð sem framkvæmdastjóri. Þrátt fyrir að staðreyndavillur hefðu læðst með í grein BB, þá vil ég engu að síður þakka BB fyrir að hefja máls á þessu, því þar með gafst kærkomið tækifæri til að stuðla að upplýstri umræðu um starfsemi Atvinnuþróunarfélags Vestfjarða, atvest. Og ég geng út frá að það hafi líka verið tilgangur BB með greininni; að stuðla að upplýstri umræðu um félagið og starfsemi þess.
...
Meira

Að stækka tjaldstæðið við sundlaugina á Reykhólum er alveg númer eitt, enda heyrir maður alltaf á öllum tjaldsvæðum landsins hvað svæðið sé fallegt en ekki hægt að vera þarna í tjaldi í stórum hópum, hvað þá smærri hópum. Því hvet ég íþróttafélagið Aftureldingu til að taka að sér tjaldsvæðið og stækka og skapa þar eitt til tvö launuð störf hjá félaginu yfir hásumarið og hreppurinn þarf þá ekki að fara í samkeppni við einstaklinga í þessari þjónustu.
...
Meira

Í framhaldi af umræðu hér á vefnum fyrir stuttu sendi Guðbjartur Ágústsson rekstrarstjóri eftirfarandi hugleiðingar ásamt skýringarmyndum: Mig langar að senda ykkur litla teikningu, sem ég vinn mikið með í fyrirtækinu sem ég rek. Þetta er grunnur að öllum góðum hugmyndum. Síðan er gott að skrifa hjá sér hvernig ætlast er til að fá innkomuna. Ég sendi líka litla formúlu sem ég nota.
...
Meira

Helsta ástæða þess að ég gef kost á mér til Stjórnlagaþings er umhyggja mín fyrir íslenskri náttúru og komandi kynslóðum. Ég vil sem sagt að hagsmuna íslenskrar náttúru og komandi kynslóða verði verði vel gætt í nýrri stjórnarskrá í samræmi við hugmyndafræði sjálfbærrar þróunar. Þessi áhersla mín felur m.a. í sér, að í stjórnarskránni verði kveðið skýrt að orði um að náttúruauðlindir Íslands séu óframseljanleg sameign þjóðarinnar. Þar þarf einnig að koma fram að sjálfbær þróun sé leiðarljós í stjórnun landsins og ákvarðanatöku.

...
Meira

Ég myndi segja að endurskoðun stjórnarskrárinnar sé ekki eitt af mikilvægustu úrlausnarefnunum núna. Þjóðin er í ákveðnu uppnámi eftir hrunið og í slíku ástandi eiga menn helst ekki að taka stórar ákvarðanir. Ég er einn af þeim sem eru íhaldssamir þegar kemur að stjórnarskránni. Ég er lögfræðingur og mér sýnist þeir að jafnaði vilja fara varlegar en aðrir í breytingar. Sennilega er það af því að þeir átta sig á því hve vandasamt verk það er. Ég get alveg tekið undir það sem Sigurður Líndal segir, að það sé mikilvægara að menn fari eftir núgildandi stjórnarskrá en að breyta henni.

...
Meira

Árið 2009 sóttu 3.265 einstaklingar um hreindýraveiðileyfi en til úthlutunar voru 1.333 leyfi. Tæplega 2.000 veiðimenn fengu sem sagt ekki leyfi til hreindýraveiða þá. Árið 2010 sóttu 3800 manns leyfi til hreindýraveiða en úthlutað var 1272 veiðileyfum, 2528 manns fengu þ.a.l. ekki leyfi. Vegna hruns efnahagslífsins hér á landi er afar brýnt að styrkja og skapa ný störf og þá ekki síst á landsbyggðinni. Fjölgun hreindýra er einföld, auðveld og arðsöm aðgerð. Tekjur af hreindýraveiðileyfum voru 106,4 milljónir króna árið 2008. Af þessari fjárhæð renna 92.1 milljónir króna til landeigenda og sveitarfélaga í felligjöld og arðgreiðslur. Þá er rétt að benda á að verulega hefur dregið úr sauðfjárrækt á Vestfjörðum, grasnytjar og land er því ekki nýtt sem skyldi.

...
Meira