Tenglar

f÷studagur 17. aprÝlá2009 | Hlynur ١r Magn˙sson

SkottulŠkningar Samfylkingarinnar ľ lifir sj˙klingurinn a­ger­ina af?

Sverrir PÚtursson.
Sverrir PÚtursson.

Sverrir Pétursson skrifar:

 

Fjórði maður á lista Samfylkingarinnar í NV-kjördæmi, Þórður Már Jónsson, er iðinn við kolann og kastar ítrekað fram órökstuddum fullyrðingum um íslenskan sjávarútveg í greinum sínum. Hugmyndafræði Samfylkingarinnar í sjávarútvegi má e.t.v. best líkja við skottulækningar, sjúklingurinn er sjaldnast til frásagnar eftir aðgerð. Málflutningurinn er og í samræmi við hugmyndirnar - hljómurinn er holur.

 

Samfylkingin leggur ofurkapp á aðild að ESB og að Ísland sé virkt í „samfélagi þjóðanna". Ein af lykilstofnunum samfélags þjóðanna er Matvæla- og landbúnaðarstofnun Sameinuðu þjóðanna, FAO. Hún tiltekur jafnan Ísland fyrst allra þjóða þegar rætt er um ábyrgar fiskveiðar. Það er einmitt kvótakerfið sem er ástæða þess að íslenskur sjávarútegur er í fremstu röð í heiminum. Skyldu sérfræðingar FAO gera sér grein fyrir að þetta fiskveiðistjórnunarkerfi sé það sama og Þórður Már lýsir sem „fársjúku" í grein sinni í vikunni?

 

Þórður segir kvótakerfið hafa komið þjóðinni á kaldan klaka og tilgreinir veðsetningarupphæðir aflaheimilda sem eiga sér enga stoð í raunveruleikanum. Hann lítur líka framhjá þeirri staðreynd að í árslok 2007 námu heildarskuldir sjávarútvegsfyrirtækja aðeins 2% af heildarskuldum íslensks atvinnulífs. Er ekki nær að leita eitthvert annað eftir skýringum á hörmungum þjóðarinnar?

 

Þórði er annt um að spyrða sjávarútveginn við Sjálfstæðisflokkinn. Enginn fulltrúi þess flokks átti sæti í ríkisstjórn þegar kvótakerfinu var komið á. Og hvað með frjálst framsal aflaheimilda? Enginn hinna tuttugu þáverandi þingmanna Sjálfstæðisflokksins greiddi því atkvæði sitt á Alþingi. Það gerðu hins vegar bæði Jóhanna Sigurðardóttir og Steingrímur J. Sigfússon! Bæði tvö hafa reyndar skipt um stefnu - og stjórnmálaflokk líka - og fara nú í fylkingarbrjósti þeirra sem vilja gera aflaheimildir upptækar.

 

Þær hugmyndir Samfylkingarinnar að ráðast að rótum grundvallaratvinnuvegar landsins með 5% árlegri fyrningu aflaheimilda eru skottulækningar. Þær eru aðför að ábyrgri fiskveiðistjórnun, aðför að rekstargrundvelli sjávarútvegsfyrirtækja, aðför að atvinnuöryggi sjómanna og fiskverkafólks og síðast en ekki síst ávísun á verðfall eigna fólks í NV-kjördæmi.

 

- Sverrir Pétursson,

útgerðarstjóri hjá Hraðfrystihúsinu-Gunnvöru hf.

 

Atbur­adagatal

« Nˇvember 2019 »
S M Ů M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30