Tenglar

f÷studagur 7. oktˇberá2011 | Hlynur ١r Magn˙sson

Fˇlk ß landsbygg­inni komi­ Ý spor m˙sarinnar

RegÝna Sigur­ardˇttir.
RegÝna Sigur­ardˇttir.

Regína Sigurðardóttir, varaformaður samtakanna Landsbyggðin lifi:

 

Mál er til komið að stjórnvöld opinberi stefnu sína í málefnum landsbyggðarinnar - og segi okkur umbúðalaust hvort samfélögin á landsbyggðinni eigi sér lífs von. Undanfarin ár hefur niðurskurðarhnífurinn verið á lofti. Hörð atlaga hefur verið gerð að grunnþjónustu hvar sem er í dreifðari byggðum.

 

Síðastliðið haust sýndu íbúar víðs vegar um landið hug sinn í verki er þeir slógu skjaldborgir um heilbrigðisstofnanir og heilsugæslustöðvar í sínum heimabyggðum - til þess að mótmæla harkalegum áformum um niðurskurð á fjárveitingum til þessara stofnana. Sem betur fer var tekið tillit til þessara mótmæla, en bara til eins árs. Nú búa stjórnendur þessara stofnana sig undir aðra atlögu.

 

Nú er verið að undirbúa ný fjárlög. Hvaða framtíð þau koma til með að kynna okkur íbúum þessa lands er ekki gott að vita og við sem búum úti á landi bíðum með ugg í brjósti eftir þeim dómi. Verður stoðunum endanlega steypt undan okkur með niðurskurði á fjárveitingum - niðurskurði sem í raun lamar alla opinbera þjónustu?

  • Niðurskurði sem leiðir til þess að langveikir verða neyddir til að flytja úr sinni heimabyggð til að eiga kost á þeirri þjónustu sem þeir þurfa á að halda og eiga rétt á.
  • Niðurskurði sem dregur allan mátt úr löggæslunni á landsbyggðinni.
  • Niðurskurði sem enn eykur á aðstöðumuninn milli höfuðborgarsvæðisins og landsbyggðarinnar.
  • Niðurskurði sem hefur það í för með sér að þurfi menn að sinna persónulegum erindum hjá opinberum stofnunum verða þeir að leggja á sig löng ferðalög.
  • Niðurskurði sem hefur það í för með sér að þeir sem vilja stunda framhaldsskólanám þurfa að flytja úr foreldrahúsum um 16 ára aldurinn - og svo mætti lengi telja.

Það er tími til kominn að menn átti sig á alvarleika málsins. Með síauknum niðurskurði á fjárveitingum í opinberri þjónustu á landsbyggðinni er hægt og bítandi verið að murka lífið úr byggðunum.

 

Íbúar á landsbyggðinni eru komnir í spor músarinnar sem gekk í gin kattarins eftir að hann var búinn að leika sér að henni í drjúgt langa stund. Betra er að segja okkur strax að það sé mat stjórnvalda að leggja af byggð utan við ákveðinn radíus í kringum höfuðborgina en að halda áfram að draga okkur á asnaeyrunum.

 

Það er óviðunandi að fjárlög séu gerð til eins árs í senn og lögð fram og kynnt í lok árs, og þeim sem ætlað er að framfylgja lögunum gert að bregðast við stórfelldum lækkunum á rekstrarfé á örskotstíma. Það ætti að vera krafa allra íbúa þessa lands að fjárlögin séu sett fram með það markmið að gera mönnum kleift að fara að lögum. Fjárlög eiga að styðja önnur landslög ekki vera þeim æðri. Það er óþolandi að fjárlög til eins árs kollvarpi forsendum fyrir byggð í landinu, að skammtímamarkmið séu sett ofar langtímamarkmiðum. Máttvana opinberar stofnanir eru í raun einskis nýtar.

 

Það er kominn tími til að slá skjaldborgir um alla opinbera þjónustu á landsbyggðinni, sýslumannsembættin, heilbrigðisstofnanir, skólana o.s.frv. Það er ekki nóg að verja heilbrigðisþjónustuna. Við þurfum að verja öll opinber störf og þjónustu. Þar styður hvað annað.

 

Landsbyggðin lifi vill fá landsmenn til að ræða saman um þessa hluti, fá stjórnmálamenn til að hlusta á raddir okkar allra. Við viljum opna hreinskilna og upplýsta umræðu um þessi mál.

 

Aðalfundur samtakanna Landsbyggðin lifi verður haldinn í Ketilási í Fljótum 8. október. Allir sem hafa áhuga á að ræða framtíð og mikilvægi opinberrar þjónustu eru hvattir til að mæta á fundinn og taka þátt í umræðunni.

 

– Regína Sigurðardóttir, varaformaður samtakanna Landsbyggðin lifi.

 

Vefur samtakanna Landsbyggðin lifi.

 

Athugasemdir

Vestfir­ingur, laugardagur 04 ßg˙st kl: 20:21

╔g gŠti ekki veri­ meira sammßla. Er ekki or­i­ tÝmabŠrt a­ sko­a hve lÝtill hluti skattanna sem t.d. Vestfir­ingar grei­a Ý hÝtina vi­ Faxaflˇann kemur til okkar aftur Ý formi rÝkisframkvŠmda. ╔g hygg ■etta hlutfall vera um e­a innanvi­ 20% a­ me­altali ß landsvÝsu, sumsta­ar a­eins meira en oftast nŠr minna.

Skrifa­u athugasemd:


Atbur­adagatal

« ┴g˙st 2017 »
S M Ů M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31