Tenglar

■ri­judagur 17. marsá2009 |

Einar Kristinn - raungˇ­ur og reynslumikill

Ůorsteinn Jˇhannesson.
Ůorsteinn Jˇhannesson.

Þorsteinn Jóhannesson skrifar:

 

Sjálfstæðismenn í Norðvesturkjördæmi velja frambjóðendur á lista sinn til alþingiskosninga í prófkjöri laugardaginn 21. marz nk. Það er ætíð mikilvægt að vel skipist þar á bekk, en sjaldan hefur legið jafn mikið við og nú. Því vil ég hvetja allt sjálfstæðisfólk til þess að taka þátt og kjósa í þessu prófkjöri. Þannig munum við velja réttu fulltrúana og þeir fá skýr skilaboð frá okkur sem veganesti í komandi kosningabaráttu fyrir þingkosningarnar.

 

Ég tel Einar K. Guðfinnsson hafa verið einstaklega dugmikinn og fylginn sér, og málefnum Norðvesturkjördæmis, í störfum sínum á Alþingi. Þar fer maður sem nálgast viðfangsefni sín af hógværð, þekkingu, innsæi og samviskusemi. Hann hefur borið gæfu til þess að taka réttar ákvarðanir í veigamiklum málum, og nægir þar að nefna hvalveiðar og nú síðast aukningu á þorskkvótanum. Hann þekkir kjördæmið allt vel og veit hvar skórinn kreppir. Hann stuðlaði að samvinnu hagsmunaaðila þegar matvælafrumvarpið var undirbúið og tel ég að það hafi reynst öllum vel. Einar hefur verið ötull stuðningsmaður þróunarsetra, fræðasetra, Háskólaseturs og um leið uppbyggingar sérhæfðari rannsóknarstarfa á landsbyggðinni eins og dæmin sanna. En einmitt þetta mun varða leið okkar til betra mannlífs og framfara.

 

Í fjalla- og óbyggðaferðum reynir fyrst á manninn þegar óblíð náttúruöfl skyndilega leggja stein í götu ferðalangsins. Ég hef notið þess að vera með Einari Kristni ásamt fleiru góðu fólki í gönguhópi undangenginn áratug. Þar hef ég kynnst raunsæi og aðlögunarhæfni Einars, sem ávallt hefur lagt til yfirvegaðar og á endanum giftusamlegar tillögur förunautum til heilla.

 

Við þurfum mann eins og Einar Kristin til þess að leiða lista Sjálfstæðismanna í næstu alþingiskosningum. Hann er maður sátta og samvinnu. Engum treysti ég betur til þess að leiða lista Sjálfstæðismanna og vera í forystu fyrir þingmenn Norðvesturkjördæmis. Ég mun setja Einar Kristin í 1. sæti á lista Sjálfstæðisflokksins og hvet alla Sjálfstæðismenn til þess sama.

 

Þorsteinn Jóhannesson,

Ísafirði.

 

Atbur­adagatal

« AprÝl 2021 »
S M Ů M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30